Gyóòlo ea nyímá nu vaá bọ́ló dẹ̀lẹ̀ nyíé boo ólò nèi gyã́á “boo tṍó,” ea zógè kọọ̀ Jìhóvà, ea gé túlè gyóòloá, nyímá nu e íè bíi ló kọbé è láá fã̀e. (Máát. 24:45) Gbá ló dõòna kà gbò nú ea néi, bẹẹ gbò pòbkà bõ̀ònaló ea ólò sẹ̀ẹ̀à buù kà bálá sĩ́ nè gbò nònù ea ólò sẹ̀ẹ̀a èèlè nyíè zẹ̀ẹ̀ sè palàge zogè níá tẹlẹ bàlà kẽ.

Ẹ̀B VÍDIÒ EA KỌLÀ KPẸ̀A EA AA BÁ TEACHING COMMITTEE NÍÍ 2017, VAÁ Ò ÁÁLÁ GBÒ BÍBVÍ:

• Mée ní ea bọ́ló gè tú ka ló gbò pọ̀bkà bõ̀ònatõ̀ò ea kyãa boo tṍó e ólò dé kpéè ló é, vaá ló éé?

• Mó tṍó ní e bà ólò dààmà togó gè sí tóm nyòòmà pọ̀bkà bõ̀ònaló ea é sẹẹà ẹ?

• Mósĩ́ deè ní e bà ólò sààmà gbò togó bel pọ̀bkà bõ̀ònaló é?

• Mókà tóm ní ea ólò bãàà mm̀ ge naa kọọ̀ gbò pọ̀bkà bõ̀ònaló á láá sẹ̀ẹ̀à ẹ?

• Mósĩ́ deè ní e bà ólò tú sĩ́deè e bà ólò noomá nu gbẹá tọọ̀ kpá Gílẹẹ̀d nvee mm̀ nònù èèlè nyíè zẹ̀ẹ̀ sè e?

• Mósĩ́ deè ní e kele-kele tọọ̀ tóm ea di Bẹ́tẹẹ̀l ólò gbá siá tóm mm̀ ge naa kpá bõ̀ònaló sìtóm ẽ́?

Mósĩ́ deè ní e gbò nu e Jìhóvà néi mm̀ ge agẹlẹ ló bẹẹ zìgà tọá ló olo é?