NVÈÈ SĨ́ LÓ GÈ KỌ́ KPẸ̀A | KPÁÁ PALÀGE IÉ Ẹ́Ẹ́ NYÍE MM̀ O SÌTÓM KỌ̀ KPẸ̀A
Noòmà Gbò Eo Ólò Noòmà Kpá Káí Kọ Bàá Nó Nu Boo Ba Lóó
Kọbé è láá nvèè bá nè gbò e ólò noòmà Kpá Káí kọ bàá nyimá ló Jìhóvà vaá dú agẹló neǹ Kráìst, bàé íè ge nó nu èlmà aa kóló gè dẹ̀ẹ̀a boo gbò kà kà bel e nóòmà va. (Máát. 5:3; Híb. 5:12–6:2) Bàé íè ge no nágé gè láá nó Kpá Káí boo ba lóó.
Lọl dààà togó, noòmà gbò eo ólò noòmà Kpá Káí bé e bàé láá kpoogá dee ló nyòòmà ba nò Kpá Káí naa, vaá ò síè va kpóó ló kọ bàá naa vó. (mwb18.03 6) Siè va kpóó ló kọ bàá olòó tã̀àgã̀ ló Bàrì besĩ́ bà kálá nó nu. Nvèè bá nè va kọ bàá láá tú gbò nuù tóm ea di boo kom̀pútà noomá Kpá Káí. Baatẽ́ bé e bàé láá mòn gbò ãa nú ea dọ́ bàlà kẽ boo jw.org nè ãa JW Broadcasting® naa. Kilsĩ́ gè noòmà va kọ bàá nó Kpá Káí kọ̀láá dee, kpoogá dee ló nyòòmà nònù, nè ge gbĩ́ ààla ea kil ló ba gbò bíb. Nvèè bá nè va kọ bàá láá bugi togó boo gbò nú e bà gé nó.
Ẹ̀B VÍDIÒ EA KỌLÀ NVÈÈ BÁ NÈ GBÒ EO ÓLÒ NOÒMÀ KPÁ KÁÍ KỌ BÀÁ NÓ NU BOO BA LÓÓ, VAÁ Ò GBÓÓ AALÁ NAGBÒ BÍBVÍ:
-
Mósĩ́ deè ní e Neeta beè nvèè bá nè Jade kọ á nyimá kọọ̀ ge nó nu bọọ èl áá ge nyimá ààlaá bíbvé?
-
Éé ní ea beè nvèè bá nè Jade kọ á àgala boo kọọ̀ Jìhóvà di lèlà tṍó ea kọ é gá kuná gã̀ ẽ?
-
Noòmà gbò eo ólò noòmà Kpá Káí kọ bàá nó gbò nú ea dú bíi nè bé e bàé láá tú siimá tóm naa
Éé ní e Jade beè gbóó nyimá ea kil ló gè bugi togó boo nu ẽ́?
