Jìhóvà ní ea ólò naa kọọ̀ ból súú kà kà belí á tã́ lí vaá bọọ gbẹá mm̀ nyíè nen ẽ́. (1 Kọ́r. 3:6-9) Vóà naa, kọbéè lé nu silà aa mm̀ bẹẹ sìtóm kọ̀ kpẹ̀a, èé íè ge dẹ̀ẹ̀a boo Jìhóvà kọ á nvèè bá nè beele bií ló gbò e ólò noòmà Kpá Káí.

Bàn Jìhóvà kọ á nvèè bá nè gbò eo ólò noòmà Kpá Káí kọ bàá láá ĩ̀ìma kèbá tã́gĩ̀ bá vaá bé ba gbò ànà-ànà èlbá. (Fíl. 1:9, 10) Kọ́ kà lèlà nú ea dú ni bíi ló. Bàn kọọ̀ nyómá káí á lelèè dee bá o bug nè o láb. (Lúùk 11:13) Noòmà gbò eo ólò noòmà Kpá Káí bé e bàé tãàgã ló Bàrì naa, vaá ò síè va kpóó ló kọ bàá naa vó. Kolí bée gbò eo ólò noòmà Kpá Káí mm̀ o tã̀àgã ló Bàrì tṍó eo gé zọ́ va tã̀àgã ló Bàrì nè tṍó eo gé tãàgã̀ ló Bàrì má va.

Ẹ̀B VÍDIÒ EA KỌLÀ IÉ Ẹ́Ẹ́ NYÍE EA AA LÓ GÈ NAA KỌỌ̀ GBÒ NEN Á NYOONE NVÉÈ KRÁÌST—TÚ NVÈÈ BÁ EA AA BÁ JÌHÓVÀ—TÃ̀ÀGÃ LÓ BÀRÌ, VAÁ Ò GBÓÓ AALÁ NAGBÒ BÍBVÍ:

• Mókà ànà-ànà ní e Neeta beè kpee sĩ́ ló tṍó ea géè zọ̀ Jade noá Kpá Káí é?

• Mósĩ́ deè ní e 1 Kọ́rìnt 3:6 beè nvèè bá nè Neeta ẹ?

• Neeta beè sii bá ló ànà-ànà ea beè kpee sĩ́ lóá naa vàẹ?