Gbò vígà pábia ólò nè lọ̀là-lọ̀là e ka di ló ge nvèèmà sãa kúm sìtóm Boǹ Méné. (Ps. 68:11) Bà ólò sẹlẹ gã́bug nò Kpá Káí, vaá gã́bug gbò gyà deèsĩ́ tóm kọ̀ kpẹ̀a dú gbò bia. Gã́bug gbò bia gé tú agẹ bá siimá tóm gbẹá Bẹ́tẹẹ̀l, kọ́ kpẹ̀a aa dó dọ dó, nvèè bá ló tóm ge tìb tọ, nè ge tàbgì dém bel. Gbò vígà pábia e togó va ni tulà nu ólò síè kpóó ló pá ba tọ nè gbò e bà di bõ̀ònatõ̀ò. (Pró. 14:1) Náa kal ló béè kọọ̀ bà náa gé láá dú neǹ kànen àbèè neǹ nvèè bá sìtóm, bàé láá ié gbò nú e bà sẹẹ̀a sĩ́ gè naá mm̀ bõ̀ònatõ̀ò. Be oloò vígà pábia, mósĩ́ deè ní eo é láá kpáá bọ̀ọ̀vẹ̀ gbàà o sìtóm nè Jìhóvà ẹ?

• Toní gbò kpãà neǹ Kráìst.—1 Tím. 3:11; 1 Pít. 3:3-6

• Nvèè bá nè gbò bia e bà di mm̀ bõ̀ònatõ̀ò e bà gáà nyimá gbele tõ̀ò nu.—Táí. 2:3-5

• Pììga boo gè tú gã́bug tṍó kọọmá kpẹ̀a vaá ò nó gbò lé sĩ́deè gè kọọmá kpẹ̀a

• Nó dõòna kà dém bel

• Àà kil kiẽ́e e bíi bọọ

• Nvèè bée ló gè sí tóm Bẹ́tẹẹ̀l àbèè ge nvèè bá gè tìb gbò tọ́ gè tõó m fã̀ Bàrì

• Nvèè bée ló gè sí Tọọ̀ Kpá Ea Dì Nè Gbò E Bà Gé Vee Kpẹ̀a Boǹ Méné

Ẹ̀B VÍDIÒ EA KỌLÀ ‘GBÒ PÁ BIA E BÀ ÓLÒ SÍ TÓM NÈ NEN EA ÍÉI,’ VAÁ Ò GBÓÓ AALÁ NAKÀ BÍBVÍ:

• Bel e buù kà vígà pábiaá ló síè kpóó ló olo naa vàẹ?