Tã̀àgã ló e Jìhóvà ténmá dì belí kpée-kpéè nùló ínseǹs e ba beè olòó mùn sẹlẹ́ kèsĩ́ Jìhóvà mm̀ a tọọ̀ káí. (Ps. 141:2) Tṍó e kọ́ọ̀ nè bẹẹ Tẹ̀ ea di káála bé e vulè vaá ié lèèmá ló gbò nú ea ni náa nèi naa, kọ́ bẹẹ tọa ló nè tàn, vaá bàn tùle lọ̀líé bá, è zógè kọọ̀ è nveè ka ló bẹẹ gbaaló kìlmàé ló. Mm̀ kà kà, Jìhóvà ẹb gbò kpulu dẽè tã̀àgã ló e ólò tã̀àgã̀ gbẹá nònù dì belí ene kà pọ̀b gá ea di ló bẹẹ fã̀. Náa kal ló béè vó, ẹ̀b bé ea é ẹ́ẹ̀lẹ̀ nyíè Jìhóvà tṍó e túù begè dẽè tṍó kọọmá nú e gé bugi togó boo, nè bé e nu tọ́aí ló naa nèe mm̀ tã̀àgã ló naaà!—Pró. 15:8.

Ẹ̀B VÍDIÒ EA KỌLÀ M̀ ÓLÒ TÃ̀ÀGÃ LÓ BÀRÌ LEE, VAÁ Ò GBÓÓ AALÁ NAGBÒ BÍBVÍ:

• Mókà gbò tóm ní e Vígà Johnson ni íe nèà dè ge sí mm̀ bõ̀ònatõ̀ò ẽ?

• Mósĩ́ deè ní e Vígà Johnson beè dẹ̀ẹ̀a boo Jìhóvà mm̀ tã̀àgã ló é?

• Gbò éé ní eo nóò lọl ló nú ea beè naaá ló Vígà Johnson ẽ?