È ólò zogè kọọ̀ è bọ́ọ̀ló dẹ̀lẹ̀ nyíé boo níì tení dú ló áá nú e kọ́ọ̀ vaá naa nì, sõò tení nágé dú ló nú e bugì togó boo. (Ps. 19:14) Boo béè vó, Kpá Káí síèi kpóó ló kọ é bugi togó boo gbò nú ea dú kà-kà, nú e ka di ló, nú ea lelà, nú ea õoà, nú ea léémá gbò nen, nú ea ne lé bée, nè kọ̀láá nú ea palàge dú lé vaá bọ́ló lèèlà. (Fíl. 4:8) À dú kà-kà kọọ̀ née é láá kpèg kọọ̀ pọ́lọ́ bùlà á gá bã̀í m. Náa kal ló béè vó, ge lẹ̀ẹ̀là bel ló lóó é nveè bá nèi kọ é láá tú pọ́lọ́ bùlà lọa m vaá bugi togó boo gbò nú ea dú lé. Ge bọ́ló dẹ̀lẹ̀ nyíé boo mm̀ gbò nú e bugì togó boo é nveè bá nèi kọ é láá bọ́ló dẹ̀lẹ̀ nyíé boo mm̀ bẹẹ láb.​—Máàk 7:​21-23.

Emí íb bug togó ea bọ́ló kọ é òòà aa ló kpàn buù kà dọ̀ Kpá Káí ea di kè kẽí:

Róm̀ 12:3

Lúùk 12:15

Máát. 5:28

Fíl. 3:13