NÚ EA NÁA À DÚ BÍI: Jíízọ̀s beè noòmà kọọ̀ vulè ní ea dú nú ea é náa kọọ̀ dénè nen á nyimá kọ è gé nyoonèè nvéè ẹlẹ ẹ́. (Jọ́ọ̀n 13:34, 35) Ge láá ié vulè belí Kráìst, èé íè ge gbĩ́ gè naa nu ea é léé ló dõòna gbò vaá è ooà aa ló gè bã̀ súng.—1 Kọ́r. 13:5.

BÁ GÈ SIÍ LÓ:

• Kọ̀láá tṍó e nen ló bel àbèè ge naa nuù súng nè ni, elá vaá ò bugi togó boo nu ea man é tã̀àgã̀ nè nu ea é silà aa mm̀ láb eo noò ge labví.—Pró. 19:11

• Kẽ̀èa boo kọọ̀ tọ́ọ̀ bẹ̀ì née gbõomà, vaá sìgà tṍó, è ólò ló bel àbèè ge labví láb èé beè ọgá ló

• Kpoogè dee ló tã̀àgã̀ mm̀ gbala gbala

Ẹ̀B VÍDIÒ EA KỌLÀ ‘VULEI ENE’—KÌN KÙLÙ KÚLÙ NÈ GBALA GBALA SṸNG, VAÁ Ò ÁÁLÁ GBÒ BÍBVÍ:

• Mósĩ́ deè ní e Larry lábmá láb zelmá kẽ kilma ló lọ̀ọ̀gà bùlà Tom e?

• Mósĩ́ deè ní e gè siiá bá ló lóó beè nvèè bá nè Tom kọ á gá bã̀ súng ẽ́?

• Mósĩ́ deè ní e gbọ́ọ́-gbọọ̀ ló ààla e Tom ne náa kọọ̀ gbele agẹbá bel ea gáẹ̀ gé bã kẽá á ọ̀b tọ́ọ̀ ẹ́?