GE TÕÓ DÚM DÌ BELÍ GBÒ E BÀ GÉ NYOONE NVÉÈ KRÁÌST
Ge Sìm Kil Sĩ́ Mm̀ Bẹẹ Kalì Bá Gè Kọọmá Kpẹ̀a —Siè Kpóó Ló Gbò E Bà Íe Lèèma Kọ Bàá Dù Gé Sí Nònù
NÚ EA NÁA À DÚ BÍI: Gbẹá nònù, è ólò “ọlí sọ́l nè Jìhóvà” vaá “lèèlàẹ.” (Ps 149:1) Bà ólò noòmài nagé kọ é naa bùlà Bàrì gbẹá nònù. (Ps 143:10) Gbò e bà íe lèèma nè gbò e ólò noòmà Kpá Káí ólò palàge sìm kilsĩ́ tẽ̀ènè tṍó e bà daamà togó ge sí bẹẹ gbò nònù.
BÁ GÈ SIÍ LÓ:
-
Ógá pee tṍó ló ge kolíe domá nònù. Náa dú bíi kọ ó elá dọ̀ọ̀mà tṍó e nò Kpá Káí tọ é síi kúm kẽ.
—Kùùà 22:17 -
Baatẽ́ nè nen ea íé lèèmaí nú eaé láá mòn nè nú e bàé ló sọ́l boo na deè nònùi e. Na gbò nuí é láá nvèè bá nèni: kpá gè kolmá nen domá nònù, vídiò ea kọlà Éé Ní Ea Ólò Naaá Gbẹá Kíndòm Họ́ọ̀l Lẹ?, bií ló 5 nè 7 kpò nu gè nò ea di mm̀ bróshọ̀ ea kọlà Bà Mée Ní Bà Gé Náa Bùlà Jìhóvà Deè Nieí É?
-
Nvèè bá. É kọọ̀ nen ea íe lèèmaí íé bíi ló nu gè bã boo sí nònù sẹ̀ à íe bíi ló nen ea é dobá íb kọ̀là ló ea bọ́ló kọ á nvèà nèeé? Ĩìẽ tẽ́ kpàn gbẹá nònù, vá á zọ̀ni ẹ̀b dẽè o kpá. Dòe bá nè dõona gbò