6:9-11, 25-27, 54, 66-69

Tṍó e Jíízọ̀s beè logí lóg ea tavàla ló pá a gbò nyòòne nvée gè dã́tẽ́ ló, sìgà gbò beè dọ̀ ààẹ́ nvée vaá bà náa beè nyooné náe. Kóló enè dee ea kil nvéeá, Jíízọ̀s beè ãàa nè va gyã́á tení dú ló tóm dũ̀ùnè, ge tẹlẹ bàlà kẽ kọọ̀ a kpóó aalìè bá Bàrì. Beè vó, éé ní ea náa vaá bà dọ̀ẹ? À dú kà kà kọọ̀ tóm̀ bùlà ea beè naa bà nyoonée nvée dú kùlù-kúlù. Ba beè gbaá ló Jíízọ̀s boo béè ge dé -me gbàà gyã́á.

À bọ́ló kọ buù bẹ̀ì é bĩià bẹẹ bá kọọ̀: ‘Éé ní ea náa vaá m̀ nyoone nvéè Jíìzọ̀s e? É kọọ̀ boo béè tã́áná dee bá em é íe kátogóí nè dì deèsĩ́? Sẹ̀ à dú boo béè kọọ̀ m̀ vulè Jìhóvà vaá m̀ gbĩ́ì ge naa nú ea é léémáe ẽ́?’

Éé ní ea náa vaá èé láá dọ̀ beè kà lèlà nú e élà boo fã̀ Jìhòvà dú gbò gá ea di kè kẽí ẽ́?

• È déè kpéè ló gè zọ̀ gbò níí Bàrì naaá nu

• È gbĩ́ì ge bã mm̀ Páladaìs