Nen ea ólò bìlà bil ge gànè ló ólò bumá a kpá ló kọbé à láá kilsĩ́ gè olòó naa leevè. Mm̀ tẽ̀ènè sĩ́deèá, à bọ́ló kọ é siá kpóó ló gè olòó bumá bẹẹ kpóó bug. (Híb. 5:14) Náa kal ló béè kọọ̀ èé láá nè íb béèlàfùl e dõòna gbò ne, à bọ́ló kọ é bugi togó vaá è ne beélè béèlàfùl. Ló éé? Boo béè kọọ̀ buù bẹ̀ì é ne kpẹ̀a boo béèlàfùl e neè.—Róm̀ 14:12.

Náa bọ́ló kọ é bugi togó kọọ̀ èé láá nè lé béèlàfùl boo béè kọ a dú gã́bug gbáá e beè dììa múú. Kọbé è láá nè lé béèlàfùl, à bọ́ló kọ é dẹ̀ẹ̀a boo Jìhóvà, a Moǹ Bel, nè a bõ̀ònatõ̀ò.—Jós. 1:7, 8; Pró. 3:5, 6; Máát. 24:45.

Ẹ̀B VÍDIÒ EA KỌLÀ “OLÒÓ IÉ Õ̀ÒA BUG,” VAÁ Ò GBÓÓ AALÁ NAGBÒ BÍBVÍ:

• Mókà béèlàfùl ní e Emma beè kpee sĩ́ ló é?

• Éé ní ea náa vaá èé ooà aa ló gè dẹ̀ẹ̀a boo nú e bẹẹ bùlà kọ́, tṍó e gé ne béèlàfùl ea kuu kpóó bug é?

• Mókà lé dùùlà bá deè tṍ ní e ene kà dóm nè va beè nè Emma ẽ?

• Ãàe ní e Emma beè gbĩ́ gbò bel ea nveè bá nèe kilmá ló dìtõ̀ò ea beè kpee sĩ́ ló mòn ẽ?