Nyíéi palàge ẹẹ ge ié ene kà ãa bróshọ̀ nè kpá gè sẹ̀ẹ̀mà nò Kpá Káí! È banì kọ Jìhóvà á tãanè dee bá bẹẹ pììgà ge naa kọọ̀ gbò nen á nyoone nvéè Kráìst. (Máát. 28:18-20; 1 Kọ́r. 3:6-9) Mósĩ́ deè ní eé láá tú nakà ãa nuù tómí siimá tóm ẽ́?

Tã́gíní bé e kpá ea kọlà Dé Kpéè Ló Dùm Dọ̀ọ̀mà Dè-dè! dú kpá gè dààmà togó gè zọ̀ nen noá Kpá Káí vaá dú ãa sĩ́deè gè noòmà Kpá Káí nená, tú nagbò gáí siimá tóm tṍó eo gé kpóógá dee ló nè tṍó eo gé nóòmà Kpá Káí. *

• Bugi vaá ò ló sọ́l boo gbò bíbvá

• Bugi gbò dọ̀ Kpá Káí e bà émí “bugi” ló, vaá ò nveè bá nè nen ea gé nó Kpá Káíá kọ á dã́ ból ló bé ea é láá tú siimá tóm naa

• Bìlà vaá ò lóai sọ́l boo gbò vídiòá, bĩináe gbò bíb ea di dẽè kpáá

• Piigai gè noi buù kà nu gè nò lọaí bá enè tóm

Gbẹá ól tóm kọ̀ kpẹ̀a, zẹ́ẹ́ nè bróshọ̀í kọbé ò nyímá beè nená íe lèèma ló. (Ẹ̀b ńkpó ea kọ́ọ̀, “ Bé Eo É Láá Nè Bróshọ̀ Ea Kọlà Dé Kpéè Ló Dùm Dọ̀ọ̀mà Dè-dè! Túá Deè Ge Iná Ló Nen Naa.”) Be ò zọ́ẹ noá bróshọ̀í lọ̀l vaá à tànie gè kpáá kilsĩ́, ò gbóó nèe zivè kpoò kpáá vaá ò daamai togó lọlíí boo 04 nu gè nò. Be ò gé zọ nen noá kpá ea kọlà Noòmài àbèè Remain in God’s Love, òòmàé kẽ nvee mm̀ Dé Kpéè Ló Dùm Dọ̀ọ̀mà Dè-dè! vaá ò daamai togó lọlíí kiẽ́e eo monì kọ à bọ́ló.

Ẹ̀B VÍDIÒ EA KỌLÀ È ZAAVÀ NÍ LÓ KỌ O DÚ LÓ O NÒ KPÁ KÁÍ, VAÁ Ò GBÓÓ AALÁ NAGBÒ BÍBVÍ:

• Éé ní e gbò e bà gé nó Kpá Káí é nó lọl mm̀ nakà ãa kpáí é?

• Éé ní ea náa vaá òó bilà vídiòí nè gbò e bà ã́àa dààmà togó gè nó Kpá Káí é?

• Mókà gbò nu sẹ̀ẹ̀a sĩ́, ní eo é síè kpóó ló nen ea gé nó Kpá Káí kọ á sẹ̀ẹ̀a sĩ́ vaá teelá tùlà ẹ? —Ẹ̀b ńkpó ea togó bel kọ́ọ̀ “ Nú Eé Nó Nè Gbò Nu Sẹ̀ẹ̀a Sĩ́ Ea Di Mm̀ Buù Kpò.”