Kọ̀láá nen ólò ié tṍó e nyíée biilà. Bììla nyíe náa zógè kọọ̀ lóó bẹẹ zìgà mm̀ Jìhóvà ọọ. Kàsĩ́ kọ̀bèè Jìhóvà náa kọ é nyimá kọọ̀ à íe tṍó e nyíée ólò biilàẹ̀. (Jén. 6:​5, 6) Vaá be à gá náa nyíéi à olóò bọ̀ọ̀gẹ̀ bììlà gã́bug tṍó àbèè dénè tṍó ã̀?

Bàn nvèè bá lọl bá Jìhóvà. Jìhóvà palàge ié lèèma mm̀ bé e bugì togó naa nè bé e nu tọ́aí ló naa. À nyímá tṍó e nyíéi ẹ́ẹ́ nè tṍó e nyíéi biilà. À dã́ ból ló nú ea náa vaá è bugi togó naa vó vaá ié íb tọa lóá. (Ps. 7:9b) Bọọ èlmà tõ̀ò, Jìhóvà ólò ẹ̀b nú ea kilíí ló vaá àé láá nvèè bá nèi kọ é emá dìtõ̀ò bììla nyíe nè tã̀àgã̀ bùlà.​—Ps. 34:18.

Kpènà o bug togó. Pọ́lọ́ bug togó ólò láá naa kọọ̀ nyíéi á gá ẹẹ vaá à ólò tọá nágé ló bẹẹ gè fã̀ Jìhóvà. Boo béè vó, à bọ́ló kọ é kpènà bẹẹ nyíe, ea dú nen e dúù m-míi.​—Pró. 4:23.

Ẹ̀B VÍDIÒ EA KỌLÀ BÉ E PÁ VÍGÀ GÉ DÉ KPÉÈ LÓ FẸ́Ẹ́-FẸẸ̀ LÓ KÈBÁ TÃ̀ÀGÃ̀ BÙLÀ NAA, VAÁ Ò GBÓÓ AALÁ NAGBÒ BÍBVÍ:

• Gbò éé ní e Nikki beè naa ea náa kọọ̀ á láá ĩ̀ìmà kèbá tã̀àgã̀ bùlà ẹ?

  O ààla

• Éé ní ea beè naa kọọ̀ Nikki á bugi togó kọọ̀ à íèè bíi ló gè sí tọọ̀ biè e?​—Máát. 9:12

  O ààla

• Mókà gbò sĩ́deè ní e Nikki beè dẹ̀ẹ̀a boo nvèè bá ea aa bá Jìhóvà ẹ?

  O ààla