GE TÕÓ DÙM DÌ BELÍ GBÒ E GÉ NYOONE NVÉÈ KRÁÌST
Dẹ̀ẹ̀a Boo Jìhóvà Tṍó E Nen Nveè Ni Tã̀àgã̀ ló
Gbò e bà ólò nvèèí tã̀àgã̀ ló é láá naa kọ nyíéi á bììlà vaá naa kọọ̀ lóói á ọọ. Bàé láá ọọvẹ ló bẹẹ gbaaló kilma ló Jìhóvà beè pọ̀ sííi tṍó e bà náa uú boo bẹẹ fã̀. Mósĩ́ deè ní eo é láá kpènà o bá lọl bá gbò e bà ólò nvèè ni tã̀àgã̀ ló é?
Gã́bug gbò e bà ólò fã̀ Jìhóvà a láá bé èlbá gbò e bà ólò nvèè va tã̀àgã̀ ló tení dú ló gè dẹ̀ẹ̀a boo Jìhóvà. (Ps. 18:17) Dì belí nu dòòmà bá, Ẹ́stà beè taaá ló ló bel vaá tú pọ́lọ́ nòònù Hémàn ea géè gbĩ́ gè nvèè va tã̀àgã̀ ló ẹẹ́ dẹ̀i. (Ẹ́stà 7:1-6) Besĩ́ à kalá naa vó, a beè zogè kọọ̀ à dẹẹàẹ boo Jìhóvà tení dú ló gè ká gã́. (Ẹ́stà 4:14-16) Jìhóvà beè tãanèe dee bá ló a láb vaá kpènà pá a gbò nè ẹ̀ẹ̀.
Gbò nvín ãa, beè nen nveèi tã̀àgã̀ ló, banii Jìhóvà kọ á nveenìè bá neèi vaá ò zọi nen e togóe ni tulà nu, dì belí bọọ tẹ̀ àbèè bọọ kà loai bel boo nú ea gé tãagẽ́i. Òó láá agalaí boo kọọ̀ Jìhóvà é nveè bá nèi belí bé ea beè nvèè bá nè Ẹ́stà naaá. Éé ní eo é láá kpáá naa kọbé ò láá bé èlbá gbò e bà gé nveè ni tã̀àgã̀ ló é?
Ẹ̀B VÍDIÒ EA KỌLÀ NÀ DÙM TṌÓ EM DI-DÍ ÒB NÈ SÌGÀ GBÁÁ—MÓSĨ́ DEÈ NÍ EM É LÁÁ BÉ ÈLBÁ GBÒ E BÀ GÉ NVEÈM TÃ̀ÀGÃ̀ LÓ É? VAÁ Ò GBÓÓ AALÁ NAGBÒ BÍBVÍ:
-
Éé ní e gbò nvín ãa é láá nó lọl ló nu dòòmà bá Charlie nè Ferin ẽ?
-
Éé ní e gbò tẹ̀ nè kà é láá nó lọl ló bel e Charlie nè Ferin kọ́ kilma ló sĩ́deè ge nvèèmà bá nè gbò pá nvín kọ bàá láá bé èlbá gbò e bà gé nveè va tã̀àgã̀ ló é?
