KILÍÍ SĨ́ GÈ KUAI DẼE LÓ!
6 Gãà Nen A Ú Boo Béè Kom Ea Kọlà COVID—Éé Ní E Kpá Káí Kọ́ Ẹ́?
Dẹ̀ẹ̀a boo kpẹ̀a ea aa bá World Health Organization (WHO), besĩ́ à kalá dú May 23, 2022, nú ea tóólá 6.27 gãà nen a ú boo béè COVID-19. Kọ̀láá bé ea dì naa, mm̀ kpẹ̀a e ba beè ne kà lèlà May 5, 2022, WHO kọ́ọ̀ gã́bug gbò e ba ni ú palàge èl vó. Bà kọ́ọ̀ áá mm̀ gbáá 2020 nè 2021, “gã́bug gbò e bà ú boo béè COVID-19 àbèè dõòna gbò e bà ú boo béè nú ea silà aa mm̀ pọ́lọ́ komí é láá toolá 14.9 gã.” É kọọ̀ Kpá Káí beè kọ́ nu ea kil ló nakà pọ́lọ́ kpẹ̀aí?
Kpá Káí beè gbẹẹ́ sĩ́ kọ́ nu ea kil ló pọ́lọ́ kom
Jíízọ̀s beè gbẹẹ́ sĩ́ kọọ̀ pẹ̀ẹ̀ kòm àbèè “pọ́lọ́ kom” é dí mm̀ gbò “deé e tṍó é gé tà.”—Lúùk 21:11, Contemporary English Version; 2 Tímotì 3:1.
Nú e Jíízọ̀s beè kọ̀a gé ḿḿ-má deè nieí. Ge kpáá nó bọ̀ọ̀vẹ̀, bugi togó bel ea kọ́ọ̀ “Éé Ní Ea Dú Kpíi Ea Zógè Kọọ̀ È Di Mm̀ ‘Gbò Dee Deè Nvéè Dee,’ àbèè ‘Kùbmà Nvéè Tṍó’ Ẽ́?“
Kpá Káí nveèi nyíé gbàà
“Bàrì [ní] ea ólò nvèè bá nèi . . . mm̀ kọ̀láá kà bẹẹ tãàgà” ẽ.—2 Kọ́rìnt 1:3, 4.
Kpá Káí a nveè nyíé gbàà gã́bug gbò e nen e ba beè vùlè beè ù. Nó bọ̀ọ̀vẹ̀ mm̀ togó bel ea kọ́ọ̀ “Ge Láá Emá Dìtõ̀ò Bììla Nyíe—Éé Ní Eo É Láá Naá Nieí É” nè “Nvèè Bá Ea Dú Lé Lọ̀l Vaá À Lee Ea Dì Nè Gbò E Bà Gé Bãagã̀.”
Kpá Káí kọ́ nú ea é nveè kùbmà ló
“O Boǹ Méné á dù. O bùlà á naaá boo kunukẽ̀í.”—Máátìù 6:10.
Pọ́ì ńkem̀ tṍó àla, “Boǹ Méné Bàrì” é náa ní e “tọ́ọ̀ nen náa é kọ́ọ̀: “Kpá lóm zọ.’” (Máàk 1:14, 15; Àìzáíà 33:24) Ẹ̀b vídiò ea kọlà Éé Ní Ea Dú É Boǹ Méné Bàrì E? ge nyimá gã́bug nu ea kil ló nakà bẹ̀l ea di káálaí nè nú ea é náa.
È síè ni kpóó ló kọ ó nó gã́bug nu ea kil ló nú e Kpá Káí kọ́ kọbéè pá o tọ nè ọ̀ọ̀ láá ié bélè lọl ló gbò a zìgànù ea é ẹ́ẹ̀lẹ̀ nyíè nen nè gbò a bel dùùlà bá deè tṍ.
Àé Láá Leemá Ni Gè Ẹ̀b Nàgé
ESSENTIAL BIBLE TEACHINGS
Éé Ní Ea Náa Vaá Bàrì À Sọ̀tọ́ Deè Mòn Tã̀àgã̀ Ẽ?
Ààla e Kpá Káí nè é dĩinéi ló vaá nvèèi nyíé gbàà.
GBÒ NÚ E KPÁ KÁÍ NÓÒMÀ
Dò Ge Zọ̀i Noá Kpá Káí
Zọ̀ enè nen ea ólò noòmà Kpá Káí noá Kpá Káí sĩ́ nè sĩ́.
