Bà kọ́ọ̀ à dú gè ẹ̀b dẽesĩ́ kọọ̀ nú ea é dú vòò dẹ̀ gbò nen é ẹb FIFA World Cup e bàé zógè lọl November 20 tẹlẹ December 18, 2022. Gã́bug nen túúmá kọọ̀ à íe dõona kà bélè ea é láá sìlà aa mm̀ ge sí kẽè íb gbò bìlà bil gànè lóí èlmà áá gè kọọ̀ gbò nen bõoná ẹ̀b.

•   “Bìlà bil gànè ló íe kpóó gè láá nyaaná bàlà booí. À íe nagé kpóó gè láá naa kọọ̀ nen á ié tàn ge naamá nu. À íe kpóó gè láá gbá gbò nen mm̀ sĩ́deè ea dú kele.”​—Níà bé e Nelson Mandela, ea beè bẹ̀l South Africa kọ́ ẹ́.

•   “Ge bìlà bọ́ọ̀l . . . ólò naa kọ gbò nen á ié tẽ̀ènè kà ból dẽesĩ́, gbá ié zààvà, ié lèèma kilma ló tẽ̀ènè íb nu, naa kọọ̀ gbò nen á vùlà, nè gbò ńdõona kà.”​—Níà bé e Gianni Infantino, ea dú nen ea di togó FIFA a kọ́ ẹ́.

 É kọọ̀ World Cup àbèè dõona íb bìlà bil gànè ló é láá naa kọọ̀ íb gbò nu sẹ̀ẹ̀a sĩ́ ea bọọ́ kẽ́é naaí á naaá? É kọọ̀ è íè ból dẽesĩ́ kọọ̀ fẹ́ẹ́-fẹẹ̀ ló nè gbaa ló é beè dì?

 World Cup gbááí a náa kọọ̀ gbò nen á bugi togó kilma ló nú ea bọọ èl áá gè bìlà bọ́ọ̀l. Gbò bìlà bil gànè lóí a náa kọọ̀ gbò nen á kpáá bọ̀ọ̀gẹ̀ dùlà bel boo nú ea kil ló nú ea lela ló gbò nen nè bìlà bẹlbẹ̀l, ge tú pọ́lọ́ bá sẹ̀ẹ̀mà gbò e bà aa dõona kà bálásĩ́, nè ge kọọ̀ bà ẹb nú ea kil ló sìgà gbò èlmà sìgà gbò.

 Náa kal ló béè vó, à ólò leemá gã́bug nen gè ẹ̀b bìlà bil gànè ló e gbò e bà aa kele-kele dó ólò gbá bilà, dì belí World Cup. Kọ̀láá bé ea dì naa, gbò bìlà bil gànè lóí náa é láá gbá gbò nen lee. Tãa vó, gã́bug tṍó bà ólò zogè nyómá pò-pòòà nè gbò láb e Kpá Káí beè kọ àé di mm̀ “gbò deé e tṍó é gé tà.”​—2 Tímotì 3:​1-5.

 Kpá Káí ne kàà ból dẽesĩ́ kilma ló gbaa ló ea é beè di zẹ̀ẹ̀ gbo nen beeá ló bàlà booí. À zigà kọọ̀ kọ̀láá nen ea é dí boo kunukẽ̀í é dí mm̀ gbaa ló kèbá bẹ̀l ea aa káála ea dú “Boǹ Méné Bàrì.”​—Lúùk 4:43; Máátìù 6:10.

 Jíízọ̀s Kráìst ea dú Méné ea é bẹl boo Boǹ Ménéá é náa kọọ̀ fẹ́ẹ́-fẹẹ̀ ló á di zivè kà bàlà booí. Kpá Káí kọ́ọ̀:

•   “Nu é léé ló gbò lé lab dògò mm̀ gbò tṍó ea gé bẹl, vaá fẹ́ẹ́-fẹẹ̀ ló é dí dénè ketõ̀ò.”​—Psalm 72:7.

•   “Àé áálá neǹ nání bá ea gé tó kolíe vaá bĩiná nvèè bá . . . Àé áálá va lọl kèbá nàà uú boo nè dùm gboo-gboo ló.”​—Psalm 72:​12, 14.

 Bã̀àna deè nieí, gbò nú e Jíízọ̀s gé nóòmà a gbá gã́bug gãà gbò nen e bà di 239 kpò kunukẽ̀. Baa nó gè òòà aa ló gè ọbví ene. Kọbé ò kpáá nó bọ̀ọ̀vẹ̀, bugi gbò togó bel ea di kè kẽè “Breaking the Cycle of Hatred.”