Kà lèlà Monday, February 6, 2023, agẹ bá zùgà kunukẽ̀ beè naaá Turkey nè Syria.

•   “Kà agẹ bá zùgà kunukẽ̀ beè fẹ́ nú ea sígá ló 3,700 nen gbẹá sìgà ketõ̀ò ea di Turkey nè deè boo gù ló dọ̀ọ̀mà tẽ́ nàànì ea di ló Syria kà lèlà Monday, níí beè naaá bíi ló gbele bá kpóó tọ́ọ, ea náa kọọ̀ dìtõ̀ò á palàge tavala ló gbò e zùgà kunukẽ̀í nveè kom ló, àbèè gbò ea kyọsĩ́ ba tọ. Gbele agẹ bá tọ́ọ ea di sĩ́deeí beè naa nagé kọọ̀ á tàvala ló gbò nen gè gbĩ́ gbò e bà ful zelí bá zùgà kunukẽ̀í.”​—Níà bé e Reuters beè nè kpẹ̀a naa ló February 6, 2023 e.

 Nyíéi ólò palàge bììlà tṍó e bugì nú ea kil ló gbò pọ́lọ́ nu ea gé náááí. Tṍó e íb nuí nááá, èé láá dẹ̀ẹ̀a boo Jìhóvà a ea dú “Bàrì ea ólò nvèè bá nèi dénè tṍó.” (2 Kọ́rìnt 1:3) À ólò nvèè bá nèi “kọbé è láá ié ból dẽesĩ́, tení dú ló ĩ̀ìmà nè nvèè nyíé gbàà e íè lọl mm̀ Kpá Káí.”​—Róm̀ 15:4.

 Kpá Káí náa kọ é nyimá:

•   Nú e ba beè kọ́ gbẹẹ́ kẽ ea kil ló zùgà kunukẽ̀.

•   Kĩée eé láá ié nvèè nyíé gbàà nè ból dẽesĩ́ lọ̀l.

•   Bé e Bàrì é lọ̀l dénè mòn tã̀àgã̀ naa.

 Kọbé ò nyímá nú e Kpá Káí kọ́ kilma ló gbò togó belí, bugi gbò togó bel ea kọ́ọ̀:

•   “Gbò Zùgà Kunukẽ̀ Ea Agá Bá​—Éé Ní E Kpá Káí Beè Kọ́ Gbẹẹ́ Kẽ Ea Kil Ló É?”

•   “Ãàe Ní Ém É Láá Ié Ból Dẽesĩ́ Lọ̀l Ẹ?”

•   “Bàrì É Beè Gé Nvèè Kùbmà Ló Dénè Mòn Tã̀àgã̀”