SỌ́L EA GÃ́BUG DÚ 134
Gbò Pá Nvín Dú Gyọ́ Ea Bá Bàrì
(Psalm 127:3-5)
-
1. Nvín e Bàrì ne dóm nè va
Dú pọ̀b kà gyọ́ e Bàrì nveè vá bá.
À gé dú lé be bà kẽè-a boo
Kọọ̀ gbò pá nvín aa bá Bàrì.
Moǹ Bel Bàrì fáálá gbò tùle
E a búmá bẹẹ gbò nvín dénè dee.
Gbanii tṍ ló gbò lẹ̀ẹ̀là Bàrì
Béè súú dẽè Bàrì dí boo bọọ tọ.
(GE KŨUNE MON ZÌGÀ)
Tú nyìmà nù faamá gbò pá nvín;
Bumá va boo èèlè Bàrì.
Vaá kpènà va nyòòmà dì deè sĩ́
Tṍó ẹ́ẹ́-ẹẹ̀ nyíè níí bẹẹ Bàrì.
-
2. Ó gá aa ló gè bií va ló—
Nú e Moǹ Bel Bàrì kọ́ dénè tṍó.
Dẹlẹ nyíé boo kọọ̀ tã́áná dee bá
É tulà olo nè o tọ.
Dã́ ba bùlà lọl mm̀ lo-a sọ́l;
Nyimá ba tã̀àgã̀ mm̀ tṍó bìlà bil.
Tã̀àgã ló Bàrì kọ Á nvèè bá,
Kọ pá o nvín á gbàn ni tṍ ló.
(GE KŨUNE MON ZÌGÀ)
Tú nyìmà nù faamá gbò pá nvín;
Bumá va boo èèlè Bàrì.
Vaá kpènà va nyòòmà dì deè sĩ́
Tṍó ẹ́ẹ́-ẹẹ̀ nyíè níí bẹẹ Bàrì.
(Ẹ̀b nàgé Dìt. 6:6, 7; Ẹ́fẹ. 6:4; 1 Tím. 4:16.)
