SỌ́L EA GÃ́BUG DÚ 146
“Gè Nyaaná Dénè Nu Naamá Ãa”
(Kùùà Nù 21:1-5)
-
1. “Gbò nú e a náá-á” zógè tṍó Bàrì;
Jíízọ̀s, Sã́áná Bàrì bẹl mm̀ káála.
À tã́a bá zọ lọ̀l vaá õ̀ònà káála.
Bàrì é nyááná dìtõ̀ò gbò nvín nen.
(GE KŨUNE MON ZÌGÀ)
Ọlii! Mè ú náa gé dinà,
Tã̀àgã̀ náa gé dinà-í zẹ̀ẹ̀.
Gbò nen náa gé tó ná vaá bã̀àgã̀ nà,
Boo béè kọọ̀ Bàrì é dí ló gbò nen.
Bàrì kọ́ọ̀: ‘M̀ḿ nyááná nu naamá ãa.’
Gbò moǹ belí dú kà kà.
-
2. Jíízọ̀s dú méné boo Boǹ Méné Bàrì.
Gbò e ba beè sà é zọ Jíízọ̀s bẹ̀l.
Zààvà nè ṍò kààgà é dí tṍó-á,
Vaá Bàrì é kudẽe ló gbò nvín nen.
(GE KŨUNE MON ZÌGÀ)
Ọlii! Mè ú náa gé dinà,
Tã̀àgã̀ náa gé dinà-í zẹ̀ẹ̀.
Gbò nen náa gé tó ná vaá bã̀àgã̀ nà,
Boo béè kọọ̀ Bàrì é dí ló gbò nen.
Bàrì kọ́ọ̀: ‘M̀ḿ nyááná nu naamá ãa.’
Gbò moǹ belí dú kà kà.
-
3. Boǹ Méné Bàrì é ne ẹ́ẹ́ nyíè gbò nen.
Gbò gyóòlo Bàrì é kyãa mm̀ ẹ́ẹ́ dee.
Jìhóvà bẹẹ Bàrì é tõo-í ló;
Vaá dọọvẹ tã́áná dee bá boo beele.
(GE KŨUNE MON ZÌGÀ)
Ọlii! Mè ú náa gé dinà,
Tã̀àgã̀ náa gé dinà-í zẹ̀ẹ̀.
Gbò nen náa gé tó ná vaá bã̀àgã̀ nà,
Boo béè kọọ̀ Bàrì é dí ló gbò nen.
Bàrì kọ́ọ̀: ‘M̀ḿ nyááná nu naamá ãa.’
Gbò moǹ belí dú kà kà.
(Ẹ̀b nàgé Máát. 16:3; Kùùà. 12:7-9; 21:23-25.)
