SỌ́L EA GÃ́BUG DÚ 152
Tọ Ea Nveè Ni Ka Ló
(1 Kíṅg 8:27; 1 Krónikòl 29:14)
1. Jìhóvà, a beè dú o bùlà
Kọ é ié tọ gè tõó m
Fã̀ ni lọa mm̀ dénè bẹẹ nyíe,
Kọbé à nveè ka ló o bée.
È bani kọ ó tú o nyómá
Nè dénè beéle pá o nvín
Kọbé è láá tõoa mm̀ gbaa ló
Tṍó e dúù kĩí gé nè ni fã̀.
(GE GBÁ DẼE)
Beele née dúù tọ́ọ̀ nu
Kọ̀láá kà nú e íè
Aa bá olo, e Bàrì;
’É kilsĩ́ gè fã̀ ni.
(GE KŨUNE MON ZÌGÀ)
Nyíè beele ẹ́ẹ ní ló e bẹẹ tẹ̀,
Ló dénè nú eo ni náa.
Boo béè kọ ò tã́ànèi dee bá
Vaá naa kọ é láá tìb tọí.
2. Jìhóvà, olo dúù bẹẹ Bàrì,
Dénè beéle dúù ní kèsĩ́
Gé õá ni zaa ló tọí,
Ea náa kọ é láá fã̀ ni.
Naa kọọ̀ tọí á naa kọọ̀ gbò nen
Á dù gé lèèlà o bée.
Ọ̀ọ̀ zaa gé ló gè nvèèi ka ló.
Beele é fã́ ni dọ̀ dè-dè.
(GE GBÁ DẼE)
Ò bọ́ọ̀ló ge lèèlà
Dọ̀ọ̀mà deé e bè náa tá.
Dénè o bá tóm náa kọ
É nvèè ka ló o bée.
(GE KŨUNE MON ZÌGÀ)
Nyíè beele ẹ́ẹ ní ló e bẹẹ tẹ̀,
Ló dénè nú eo ni náa.
Boo béè kọ ò tã́ànèi dee bá
Vaá naa kọ é láá tìb tọí.
