SỌ́L EA GÃ́BUG DÚ 158
“Náa É Dú Kpẹ̀ Nvée!”
(Hábakọ̀k 2:3)
1. À tan bẹẹ Bàrì kọọ̀ nu á dú lé.
À léémá beele gè ẹ̀b gbò o dèm-nù.
Dénè o bá tóm palàge dú lé,
Nóo é aa ló gè mm-mè o zìgà nù.
(Ge Kũune Mon Zìgà)
Tẹ̀, à tan níi gè mòn o lé ãa bàlà boo.
Nvèè bá nè dénè beéle,
Kọ é ié ĩ̀ìmà elá bànà olo,
Dọ̀ọ̀mà tṍó eé láá bã m.
“Náa é dú kpẹ̀ nvée.”
2. Gbò gyóòlo Bàrì náa é táẹ́ nyíe.
Kọbèè ba beè ú, Bàrì é kpáá kẽé va.
Soo-soo e Bàrì, nvèè bá nè beele
Kọ é láá fã̀ ni, dọ̀ọ̀mà dee e náa tá.
(Ge Kũune Mon Zìgà)
Tẹ̀, à tan níi gè mòn o lé ãa bàlà boo.
Nvèè bá nè dénè beéle,
Kọ é ié ĩ̀ìmà elá bànà olo,
Dọ̀ọ̀mà tṍó eé láá bã m.
“Náa é dú kpẹ̀ nvée.”
3. È gé kọ́ kpẹ̀-a nè dénè gbò nen.
O ĩ̀ìmà náa kọọ̀ gbò nen á i-é dùm.
È gé ẹbmà dẽè dee-á kọ̀láá tṍó,
Níí nveè-í kpóó ló vaá nè-i agẹ ló.
(Ge Kũune Mon Zìgà)
Tẹ̀, à tan níi gè mòn o lé ãa bàlà boo.
Nvèè bá nè dénè beéle,
Kọ é ié ĩ̀ìmà elá bànà olo,
Dọ̀ọ̀mà tṍó eé láá bã m.
“Náa é dú kpẹ̀ nvée.”
Sóo sóo naa kọ é ĩ̀ìmà!
(Bugi nagé Kọ́l. 1:11.)
