1. Tùlè Bàrì di boo nà dùm;

Kọ̀láá ketõ̀ò em kyãà sì.

À búmá m belí naanà ból;

E bà fáálá taamá kõ.

Boo tṍó e múú taním ge õ̀,

Bàrì né m múú gè õ̀.

À dú nà neǹ kpènà mm̀ tṍó tã̀àgã̀,

Vaá naa kọọ̀ ḿ gá bã̀àgã̀.

À dú nà kpènà mm̀ tṍó tã̀àgã̀,

Vaá naa kọọ̀ ḿ gá bã̀àgã̀.

2. Bàrì náa zigà kọ ḿ kyã̀à

Dagí aa boo èèlè dùm.

Bã̀àna tṍó e nu taavà ḿ ló,

A bá dĩine ló nà dùm.

Mm̀ tṍó e tã̀àgã̀ bọọ ḿ boo,

Bàrì dú nà pọ̀b kà kpóó.

Tọ́ọ̀ kà pọ́lọ́ e gbò nen noo gè sì,

Néé tú m lọl ló Bàrì.

Tọ́ọ̀ kà pọ́lọ́ e nen noo gè sì,

Néé tú m lọl ló Bàrì.

 3. Bàrì di dùm dọ̀ọ̀mà dè-dè;

À kudẽe ló nà didùm.

Kọ̀láá kà nu e a dú nà bíi,

À náa dénè lọl boo tṍó.

Nà nyíe dẹẹ̀-a boo Jìhóvà;

M̀ tõò kèbá A búma.

Tọ́ọ̀ nen náa gé láá bé èl bá Bàrì;

A kpènà dì dọ̀ dè-dè.

Nen náa gé láá bé èl bá Bàrì;

A kpènà dì dọ̀ dè-dè.