SỌ́L EA GÃ́BUG DÚ 69
Kilsĩ́ Gè Vee Nú Ea Kil Ló Boǹ Méné Bàrì!
(2 Tímotì 4:5)
-
1. Kilsĩ́ gè kọ́ lé kpẹ-a inmá
Kọ̀láá kĩ́ e gbò nen dì.
Nvèè bá nè gbò e ba nyíe õo-à,
Nyòòmà lèlà nu gè naa.
Ge vee bùlà Bàrì nè gbò nen;
Dú ka e Bàrì nveè-í ló.
Beè vó, vùlè Bàrì nè gbò nen;
Tení dú ló gè kọ́ kpẹ̀-a.
(GE KŨUNE MON ZÌGÀ)
Kilsĩ́, si-á kpóó ló
vee lé kpẹ̀-a nvee kọ̀láá ketõ̀ò.
Kilsĩ́, gè olòó bọ́ló dẹ̀lẹ̀ nyíé boo
nè o Bàrì.
-
2. È gé tú kũ̀ùnà mòn siimá tóm
E Jíízọ̀s beè nvèè-í bá.
Kọ̀láá bée bẹẹ gbáá ni tóólá naa
È gé piìgà boo a tóm.
À dú bíi gè vee nè kọ̀láá nen
Kọọ̀ bẹbẹ̀l Bàrì é gé dù.
Née gé síí-á pọ̀ ló tọ́ọ̀ kà nen;
Jìhóvà é nveè-i kpóó ló!
(GE KŨUNE MON ZÌGÀ)
Kilsĩ́, si-á kpóó ló
vee lé kpẹ̀-a nvee kọ̀láá ketõ̀ò.
Kilsĩ́, gè olòó bọ́ló dẹ̀lẹ̀ nyíé boo
nè o Bàrì.
(Ẹ̀b nàgé Ps. 23:4; Tóm 4:29, 31; 1 Pít. 2:21.)
