Nu kəlee kaa bɔ məlaa di kɛ a nuai di təlimoɔ. Zehova yaa kpɛli, gaa bɔ məlaa di kɛ a di təlimoɔ. Kəlaa ɲɛnɛɛ ŋɛi hu nu mɔlɔɓəlaa di ho təlimo li. Yili ɓa gɛ laa ho nɛɛli gu lɛɛ a gu təlimoɔ. Gwa kɛ a gu təlimoɔ mɛni lɔpee gəlee hu mɛinɛɛ ləkɛɛ ɓə gwa ɉɔlɔɓo yili hu ?

1. Lə kpɔkpɔ ɓə a gu lii muhəɠə guɔ lɛɛ a gu təlimoɔ ?

Gwa kɛ a gu təlimoɔ gu lowai mɛniɠaa hu gwa nu takpɛliɠaa, yili a nɛ yɛ ma gwa Zehova wɛlilakɛ ə lɛɛ gwa maawiɛ. Hó lea yɛ́ ma Zehova ə gu kiliŋahiɛ pələɠaa kəlee kɔlɔn da gu túwɔ́ pələɠaa (Hebreu 4:13). Gwa ɉəɠə ɉu guɔ ma gu kaa lɛɛ a gu təlimoɔ a gaa ə lɛɛ yili a gwəinɛɛ kpɔ kɛnɛ. Biblə kaa kɛi ma : “ Túwɔ́ pələɲɔn gɛmun nwɛli ho Yai-Laa ɓa, kɛlaa, nu haŋaaɠaa wɛli kaa ma ” (Hanwon 3:32).

2. Gwa pɛli kɛi ləi a gu təlimoɔ gu kɛ mɛniɠaa hu hóló kəlee ?

Zehova kaa kɛi guɔ : “ Ka teɲa ɓo ka kee ɓa ” (Zakari 8:16, 17). Yili mukulaa ɓaa lə ? Yili mukulaa ɓaa nui lɔpee gu kaa mɛni ta ɓoi ma maahonɛɛli gu ho lɛɛ kɛ ma, yɛi kɛ a gu yəi bɛlɛn mun da, gu kólókɛyɔwɔ, gu nan nonnii, awala kɛtii nɔi ɲɛitɔwɔnua. Nui dəlimoɔ hwa məlaa hulu hwa nwɔnɔ di nwuɔn (Hanwon 24:28 da Efɛsə 4:28 ɓo). Ə lɛɛ nui dəlimoɔ a ŋɔ niihɔnwɔɠaa kəlee hala (Romə 13:5-7). Mɛniɠaa ŋɛi hu ə ma kɛ mɛni takpɛliɠaa hu gu kaa bɔ gu “ tuwɔ a nɛlɛɛ mɛni lɔpee gəlee hu ” (Hebreu 13:18).

3. Gwa kɛ a gu təlimoɔ mɛinɛɛ ləkɛɛɠaa ɓə gwa ɉɔlɔɓo ɉu ?

Nua da kɛ a gɔlɔnŋaa diɛ ma gu kaa a nu yii dəlimoɔ da laa gu la. Gu túwɔ́ pələ akɛtii galangbɔn ɉu nua da kɛ lɔ yɛ pɛlɛ tɔnɔ mu nua, naa ɲaanɛɛ gu wəli pulu laɠiyɛ. Gu kwəikili a lɛɛ a maahəɠɛɛ. Gu wɔ təlimolaa a pɛli nwɔnɔ ə gɛ ‘ laanalaa pələi ŋɛi vilɛnŋaa gu nwun maaɓomun Yálá ɓa, awala kɛtii Yálá ŋɔ kalan-nwoo, maa ə wiɛ mɛni kəlee hu ’ ə lɛɛ nuai di ho galangbɔn ɉu di pa mɛni Yálá ɓatoonua leeleeɠaa lowai yili naa wɛli ə too diɛ kpɔ kɛnɛ (Titə 2:10, Ɉɛɓɛ yili ninɛ).

 Ə́ WƆ MƐNIKƆLƆNŊAA TA PƐLƐ MA

5. Kɛ́ a ə́ təlimoɔ mɛni kəlee hu

 6. Gwa kɛ a gu təlimoɔ gwa bulu mɛinɛɛɠaa hɔlɔɓo

A kɛ guɔ kili ɓa gwa kɛ a gu təlimoɔ yili kaa pai gu too mɛnii. Kəlaa yii kpɔ nɛlɛɛ guɔ ya ɓaa gu lɛɛ a gu təlimoɔ. Maatɛnɛ 34:13-17 ɓo [34:12-16, NWT] ə lɛɛ ka lono kɛ gɛɛmaalən ŋɛi mɛi :

• Ya kɛ a ə́ təlimoɔ yili a ə́ wɔ yɛnɛɛ ɲaanɛɛ ləi ?

1. Hulɔnu da nɛa da kɛ a di təlimoɔ di kee ɓa yili a di wɔ húlu yii huwala-wala.

2. Kólókɛmun dəlimoɔ ŋɔ kóló namu a laana.

3. Lɔi lon yii dəlimoɔ ŋɔ lɔi ɲɛitɔwɔnua da laana.

 YII GU GALAN

Zehova kaa bɔ məlaa di kɛ a di təlimoɔ mɛniɠaa da gɛ, da mɛniɠaa da mo gəlee hu.

Nɛɛ ə́ kili pɔ

• Mɛni taɠaa hwaaɓo yii maanɛɛ gu kɛ a gu təlimoɔ ɉu ?

• Lə mɛni ɓa kili mɛni hwaa gu gu kiliŋahiɛ guɔ ma gwa pɛli gu teɲa lowu ?

• Lə mɛni ɓa ə́ kaa bɔ ə́ kɛ a ə́ təlimoɔ mɛni lɔpee gəlee hu ?