Yálá ə wɔlɔ nua taɠaa həɠə, ə mo diɛ, di naa woo pɛɛn hɛbɛ maahəɠɛɛ hu. Ɉɛɓɛ maahəɠɛɛ tii ɓə da kɛ ma Biblə. Wɛlɛɛ woo maamɛni wala-walaa kaa ɉɛɓɛi tii hu, yii Yálá kaa bɔ gu gɔlɔn.

Yálá ə gu maamɛni lɛlɛɛɠaa kɔlɔn, gwa nwoo mɛn, gu kaa pai kili kpɔkpɔ hɔlɔɓoi (Zaakə 3:17).

Yálá kaa bɔ nu kəlee yɛ Biblə ɓo. Gaa woo tamaa hu.

Ya kɛ bɔ ə́ Yálá woo mɛn, maanɛɛ yɛ́ Biblə ɓo, ə lɛɛ yɛ́ ɲaakaa.

Zehova ŋɔ Kəlaɠaa da pɛli kpɔnmaa tɛɛ ə́ pɔ ə́ Biblə ɲaakaa.

Da Yálá maa teɲa kalan nua diɛ yɛnɛɛ naa kəlee.

Ya pɛli pai di wɔ Ŋaakpɔn gɛ Pɛlɛ mu, di ə́ maakwɛli Yálá maamɛni ɓa. Wali hala mɛni ho ɉu.