Zehova ə nɛɛnu toloo pɛli, diɛ kɛ naa ɓa Hawa. Ə dɛɛ Adama pɔ a nɛa (Malikə 10:6, 7).

Zehova ə kili da kɔlɔ lɛlɛɛ tɛɛ di pɔ, nɛŋɛn və kɛ diɛ.

Yálá ə Alizana tɛɛ Adama da Hawa di pɔ, lɔi mɛi. Kɛɛnaa lɛlɛɛ ka tii kɛ. Wuluɠaa, yaɠaa, da huwɔɠaa di kɛ laa.

Zehova ə kɛi hwaa di pɔ, yɛ di kalan. Da nwoo mɛn gɛ, də li lɛɛ lɔi mɛi a yələ kəlee.

Zehova ə wulu ta lɛ Adama da Hawa diɛ. Yɛ diɛ, ka ho ma mɛɛ. Ka mɛɛi, ka ka pai haai.

Malaka tɔnɔ ə kulɔ Yálá woo mu. Ya ɓə da kɛ ma Sətana a wala kɛtii Ɓilihi.

Sətana ho kɛ bɔ Adama da Hawa di lɛɛ Zehova woo mu. Ə tɛɛ kaalə kɔwɔi, yɛ kɛ Hawa ɓa, ya nwulu ɓai ŋɛi ta mɛɛ ya kɛ yɛ Yálá, hwa haa. Lɛɛ ka tii kɛ (Zənɛsə 3:1-5, TMN ; Kɔlɛntə veelɛnaa 11:3).