1. Yálá ŋɔ wɛlikɛmaa hwa kpɛɛ
1 Ə́ WƐLI KAA YÁLÁ ƁA
‘ Ka lɛɛ Yálá ŋɔ wɛlikɛmaalaa hu [...] yai pai yɛnɛɛ kpɛɛ ho ma tɛɛi ka pɔ ’ (Ɉudə 21).
Lə ɓə a nɛ yɛ́, yɛ ma ə́ wɛli kaa Yálá ɓa ?
-
Ɉaan 3:16 ; Ɉaan dɔlɔɔ 4:8-10 ; Kulɔ ponoŋa hɛɓɛ 4:11
Zehova ə hɛn gəlee pɛli lɔi mɛi gu wɔ yɛnɛɛ ɲaanɛɛ mɛni ɓa. Adamə da Ɛvə di wɔ nɛŋɛn ɉəɠɛɛ pulu, yii Yálá ə kɛ bɔ ə gɛ maa ho hwalən. Ə non dɛɛ a nwunmaaɓo halaa yii yaan ə yɛnɛɛ yii kpɛɛ ho ma hɔlɔɓo pələ laaɓo nu kəlee tɔwɔ.
-
Maatɛnɛ 65:2, TMN ; Gɛlaɠaa 5:32
Ə́ ma kɛ nwɔnɔ háákələi, Zehova aa Biblə tɛɛ gu pɔ da ŋɔ nii maahəɠɛɛ, ə lɛɛ aa maalaa tɛɛ gu pɔ guɔ pɛli hwaa bɔ hwɛliwoo hu. A nwəlitɔɔ gu wɔ hwɛliwooɠaa ɓa. Yili kəlee a kpɔnmaa tɛɛ gu pɔ gu wɔ yɛnɛɛ ɲaa ə nɛɛ.
2 GWA KƐI LƐƐ ZEHOVA WOO MU, GWA KƐ LƆ MA GUƆ TƆNƆ HƆLƆƁO ɈU
“ Ɲáá ɓə gaa a ə́ wɔ Yálái, yai a ə́ maakwɛli yɛ́ pɛli ɉu tɔnɔ hɔlɔɓoi ” (Esai 48:17).
Ya lɛɛ Zehova woo mu, tɔnɔ ləkɛɛɠaa ɓə ya ɉɔlɔɓo ɉu ?
-
Mɛniɠaa gwa gɛ gu lɛɛ mɛni ɓa Zehova woo mu, Zehova a di kaa. Lɛɛnwoomulaa a gu wɔ yɛnɛɛ hwialaɓo háákələi, ə lɛɛ a pɛli gɛi gu yɛnɛɛ lɛlɛɛ hɔlɔɓo tinaa.
3 YA PƐLI NƐI ZEHOVA ƁA YƐ́ MA NWƐLI KAA YƐ́
“ Bələi Yálá ŋɔ wɛlikɛmaalaa kaa la, bələ ka : Ya ɓaa gwa gu yee kanan nwɔ tiɓoɠaai diɛ. Ə lɛɛ yaan ŋɔ tiɓoɠaa tii di ho a tiɛ wia ” (Ɉaan dɔlɔɔ 5:3).
Gu lɛɛ mɛni Yálá woo mu kaa a pɛli mɛni ?
-
Dɔ́n ɉɛɓɛ 30:11 ; Maatɛnɛ 103:14
Zehova ə gɔlɔn yɛ ma nɛŋɛn gaa guɔ. Hwa kɛ guɔ gu mɛni ta kɛ yii gu hwa pɛli gɛi.
-
Zehova wɛli a kɛ guɔ, yili a hwaŋa tɛɛ gu pɔ gu lɛɛ nwoo mu ə ma kɛ ɓɛlowai gɛ laa ho nɛɛ li la.
-
Biblə ŋɔ tɔn-nwooɠaa da Yálá ŋɔ kiliŋahiɛɠaa lɛ guɔ. Dɔn-nwooɠaa tii da gu kiliŋahiɛ pələ tənəndɔɔ, di gu wɔ wɛlikɛmaalaa hukɛnɛ yɛ hwilɛn na Zehova ɓa. Da kpɔnmaa tɛɛ gu pɔ, mɛniɠaai Biblə hwa mɛni ta bo ɉu, gu kɛ a gɔlɔnŋaa, yii maanɛɛ gu gɛ.
