“ Gáá ə́ maakwɛlii, [...] gɛ́ ə́ tɛɛ pələ lɛ yɛ́ ” (Maatɛnɛ 32:8).

Akɛ gu kaa bɔ gu húlulɔ, lə ɓə maanɛɛ gu gɛ ?

• Korɛntə dɔlɔɔ 7:39 ; Korɛntə veelɛ 6:14

  Nui a Yálá maamɛni laa mɛni kəlee tɔwɔ ŋɔ yɛnɛɛ hu, ka yaa ka húlulɔ yili kaa a kili mɛni.

• Korɛntə dɔlɔɔ 13:11

  A kɛ a lowai ta gu wɔ yɛnɛɛ hu, nɛɛnu mɛni a wala kɛtii hulɔni mɛni ə kɛnɛ gu nii hu. Maanɛɛ gu naa maakpɔn nowai tii ə tɛɛ gɛɛ gu ho pa húlulɔ.

• Korɛntə dɔlɔɔ 7:28

  Hó lea mɛni ŋɛi ɓa : nuai da húlulɔ da mɔnɔ tamaa mɛɛ.

“ Maa ho nɛɛli hulɔnu yaa tɔnɔ ho kɛ yɛnɛɛ. Gáá maakpɔnmaaɓomun bɛlii ŋí dɛɛ bɔ ” (Gɔwɔtɔɔi 2:18).

Lə ɓə Zehova kaa bɔ nɛa namənaa da hilɛtaa kɛ nɛaa diɛ gɛ ?

• Efɛsə 5:23 ; Timote dɔlɔɔ 3:1-7 ; 5:8

  Yii hwilɛn na di yəi bɛlɛn galan maamɛni ɓa, yili gbɔu laa hulɔnu nwuɔ. Maanɛɛ yɛ nɛa da nonnii di maamɛni kɛ, yɛ di wɛlilakɛ. Ya ɓə nwɔnɔ maanɛɛ ə nonnii maakwɛli ə lɛɛ ə di hutɔɔ.

• Hanwon 31:10-31 ; Romə 7:2

  Nɛɛnu maanɛɛ ə kɛ a ɉilɛ məlanmun, ə lɛɛ maanɛɛ di maamɛni pɛlɛɛ gee ɓa. A ɲəi ɓɛlɛn nua hon a nɛlɛɛ, ə lɛɛ a kpɔnmaa tɛɛ ɉilɛ pɔ di di lonnii maakwɛli.

• Efɛsə 5:33 ; Filipə 2:4

  Maanɛɛ hulɔnu da nɛa di wɔ húlu yii hu, nu kəlee yɛ məlan ŋɔ kwəinɛɛ mɛni tɛɛ nwɛi tɔwɔ.

“ Da yaa di kɛ a nu tɔnɔ ” (Gɔwɔtɔɔi 2:24).

Lə ɓə gwa pɛli gɛi yii yaan gu wɔ húlu yii hu ə lɛɛ a nwala-walaa ?

• Hanwon 3:5, 6 ; Matie 19:6

  Zehova ɲɛi ɓa, nɛɛnu da hulɔnu da húlu lɔ, maanɛɛ di lɛɛ di kee ɓa di wɔ yɛnɛɛ kəlee yee mu. Liɛwooɠaa kpɔ bɛliɛ húlu yii boɔ ɓa, a həɠə Zehova yəi.

• Maatɛnɛ 130:3 ; Efɛsə 4:32

  Maahonɛɛli húlulɔnua diɛ di kee hɔn ɉee di kwəi mɛni pɛlɛɛɠaa hu. Maanɛɛ diɛ di keeni maahwaalɛɛ ə lɛɛ diɛ di ɲɛi lɛɛ di keeni di wɔ tuwɔpələlɛlɛɠaa ɓa.