“ Da yaa di kɛ a nu tɔnɔ ” (Gɔwɔtɔɔi 2:24).

Gwa tɛɛ ləi gu ho gu nɛa, awala kɛtii gu hilɛ nwana mɛni kɛ ?

• Matie 5:28 ; Efɛsə 4:31

  Kɛ́ a ə́ təlimoɔ ə́ nɛa awala kɛtii ə́ hilɛ ɓa ə ma kɛ ə́ wɔ kiliŋahiɛ hu. Maanɛɛ ə́ kɛ a gɔlɔnŋaa yii a nɛɛ ma, da yii a nwana ma. Ya ɲaakaa yɛ́ ma ya kɛ mɛni ta kɛi yɛ nwana ma, maanɛɛ ə́ kpəla ma.

• Galatə 5:15

  Gu ho bɔ gu ho mɛni nwanaa laa gu nɛa ɓa, awala kɛtii gu hilɛ, yɛ ə kɛ gbini ɓa, awala kɛtii nii hu. Wooɲɔn moɔ a húlu yii kala.

• Hanwon 5:18 ; Hebreu 13:4

  Zehova ɲɛi ɓa, nuai daa húlulɔ, dɔnɔ da nu takpɛli da laa, yili kaa a nɛŋɛn gɛnɛ. Maanɛɛ gu tɔɔ a gu nwanai gu lɛɛ a gu təlimoɔ gu nɛa, awala kɛtii gu hilɛ ɓa. Maanɛɛ gu wɔ húlu yii ə kɛ a maamɛni wala-walaa gu yəi. Gu ho bɔ gu ho mɛni ta kɛ yii hwa Zehova maawiɛ, ə ma kɛ gu nɛa awala kɛtii gu hilɛ.

“ Kili kɛ ɲəi ɓə a pɛlɛ́ tɔɔ ” (Hanwon 24:3).

Lə ɓə ya pɛli gɛi yii yaan ə́ wɔ húlu yii hu ə wala-wala, kwəinɛɛ ə kɛ ka yəi ?

• Hanwon 24:4 ; Matie 6:14, 15 ; Romə 12:2 ; Piɛrə dɔlɔɔ 3:1

  Kɛ́ lowai həɠəi ɉu ka ə́ nɛa awala kɛtii ə́ hilɛ kaa lono kɛ. Ɉon a wɛlikɛmaa, maawiɛlaa, ə lɛɛ liinɛɛgwəi. Kɛ́ maahwaalɛɛi ɉaɉa.

• Hanwon 14:1 ; 31:29 ; Filipə 1:9 ; 2:4 ; Piɛrə dɔlɔɔ 3:7

  Mo Zehova ɓa ə kpɔnmaa tɛɛ ə́ pɔ ə́ kɛ a nɛa namu lɛlɛɛ, awala kɛtii ə́ kɛ a hilɛtaa kɛ nɛa lɛlɛɛ. Ka gɛ pələ kwɛli ma kaa túwɔ́ a liinɛɛgwəi, ə lɛɛ kaa ka kili lɛɛ ka keeni hu.

• Romə 12:10 ; Piɛrə dɔlɔɔ 4:8

  Ya mɛni kəlee kɛ, ə́ nɛ ə́ nɛa ɓa awala kɛtii ə́ hilɛ ɓa yɛ́ ma nwɛli kaa yɛ́ kɛnɛ, yɛ́ maawiɛ, ə́ wɔ húlu yii hu kaa pai wala-walai, ə́ Zehova kwəinɛɛ.