12. Maanɛɛ gu “ hwaawoo ə kɛ a nɛɛ ”, yɛ pɛli nua hwaŋalɔi
1 YÁLÁ Ə HWAAƁOƆ ŊƆ MAALAA TƐƐ GU PƆ, YILI KAA A ŊƆ MƐINƐƐ
“ Mɛinɛɛ kəlee, da nukpɔɔlaa hɛn nɛlɛɛɠaa kəlee da həɠə yələi pələ ” (Ɉakə 1:17).
Gwa pɛli nɛi ləi guɔ ma gwaa mɛinɛɛ tii hukɔlɔn ?
-
Gu hwaawoo hwaŋa kaa ɉu. Maanɛɛ gɛɛ gu ho pələ ta ɓo, gu gbea gu kiliŋahiɛ yii gu kaa pai moi, ə lɛɛ pələi gu kaa pai moi la.
-
Hanwon 16:24 ; Esai 57:15 ; Tesalonikə dɔlɔɔ 5:11
Hwaaɓoɔ kaa a Zehova ŋɔ mɛinɛɛ, yili ɓa maanɛɛ guɔ hwaa yɛ pələi gaa la bɔ. Maanɛɛ gu hwaawoo yɛ nua kɔlɔipono, yɛ nua hwaŋalɔ, yɛ nua maakwɛli, yɛ nua nii lɔ, yɛ nua lii muhəɠə, ə lɛɛ yɛ kpɔnmaa tɛɛ nua pɔ.
-
Hanwon 12:18 ; 15:23 ; Matie 7:12
Gwa mɛni ta ɓo yii maahonɛɛli kɛ gu ho mo, ə lɛɛ gwa wala hwaa a gu hwaa lowai, yili a pɛli pai a hwaa da liitoopulu.
2 HWAA A KPAALƏ TA YII NWƐLI A PƐLI TOOI ZEHOVA ƁA
“ Ká lono woo ə nɛɛ nua wəlii a yələ kəlee ” Kolɔsə 4:6).
Lə ɓə gu hwaawoo a pɛli gɛi gu yəi bɛlɛn nua diɛ, da gu ɓəlaa ?
-
Hanwon 31:28 ; Kulɔ ponoŋa hɛɓɛ 2:1-3
Nu kəlee maakpan gaa wɛlikɛmaa ɓa, ə lɛɛ nu kəlee kaa bɔ diɛ dɛnɛ, gəlee ə ma kɛ di yəi bɛlɛn nua.
-
Hanwon 6:16-19 ; 26:20 ; Kolɔsə 3:8, 21 ; Tesalonikə dɔlɔɔ 4:11
Wooɲɔn ɓoɔ da laapələɓo da mɛniɲɔn gɛ. Lɛɛ pɛlɛɛ nu ɓa a namu ŋɔ túwɔ́ pələ lɛlɛ maa liɓi. Ə lɛɛ a hwaa too nua lowai.
-
Hanwon 15:1, 2 ; Filipə 2:3, 4 ; Ɉakə 1:19
Nɛ ə́ hwaapələ hu yɛ́ ma ya nu takpɛliɠaa maaliihɛlɛn ɉee ə́ dɛɛ ə́ kpɔwɔ ɓa. Ə́i wəlitɔɔ diɛ a nɛlɛɛ.
3 GWA KƐI LIƐWOO TƐƐ MAANƐƐ GU GƐ A WƐLIKƐMAA
“ Ə́ wəli tɔɔ liɛwoo ɓa, mɛnii di kaa ə́ kalan ɉii la, ə́ ɉon ; yili ɓə a nu kɛ a kilimaa mun tɔwɔ pələ ” (Hanwon 19:20).
Gwa pɛli liɛwoo lɛlɛɛ kɛ pələ kɛi ləi ?
-
Maatɛnɛ 34:18, TMN ; Matie 10:29-31 ; Timote veelɛ 3:16
Maanɛɛ liɛwooɠaa kɔwɔ hwilɛnŋaa Biblə mɛi, ə lɛɛ gu dɛɛ a liinɛɛgwəi.
-
Hanwon 12:25 ; Tesalonikə dɔlɔɔ 5:14 ; Ɉakə 3:2-4
Hwaaɓoɔ kaa a Zehova ŋɔ mɛinɛɛ, yili ɓa maanɛɛ gu hwaa pələ yɛ nua hwaŋalɔ.
