“ Və́ li li və́ hee huluɓɛlaa lɔwai ” (Maatɛnɛ 26:4).

Lə mɛni ɓa mɛni wala-wala ɓaa guɔ teɲa ɓo gu yəi bɛlɛn nua diɛ ?

• Hanwon 6:16-19

  Gwa kɛi teɲa ɓo gu yəi bɛlɛn nua diɛ, da laa gu la. Maanɛɛ pɛlɛn nua diɛ teɲa ɓo di keeni diɛ, ə ma kɛ gɛ laa ho nɛɛli.

• Hanwon 22:6 ; Efɛsə 6:4

  Leapɛlɛɛɠaa da gaa diɛ ma di kaanua da kɛ teɲa ɓoi, gɛ laa a nɛɛ di yəi diɛ kpɛliman diɛ teɲa ɓo.

‘ Maahɔlɔɓo, tuwɔpələɲɔngɛmun nwɛli ho Yálá ɓa, kɛlaa, nu haŋaaɠaa wɛli kaa ma ’ (Hanwon 3:32).

Lə mɛni ɓa mɛni wala-wala ɓaa guɔ teɲa ɓo gu nan nonnii diɛ galangbɔn ɉu ?

• Hanwon 10:19 ; Kolɔsə 4:6

  Gu kaa bɔ guɔ teɲa ɓo, kəlaa maanɛɛ guɔ hwaa a wɛlikɛmaa da liinɛɛgwəi.

• Ɉáláá hɛɓɛ 5:1 ; Hebreu 13:17 ; Ɉakə 5:14, 15

  Gwa kɛi teɲa ɓo kalaɉonŋaa diɛ, da pɛli di kpɔnmaa tɛɛ gu pɔ.

• Ɉeremi 32:9-12 ; Efɛsə 6:5-8

  Mɛni ta a kɛ gwa gu nan nonnii gu lowai, yɛ pələi lɔwɔ mɛni kaa la, maanɛɛ gu mɛniɠaa hee gbaŋa kpɔ a neelee teɲa pələ mɛi, gu ho gu nan nonnii hulu, ə lɛɛ yii gwa mo gu bɔ mɛni kɛ.

“ Nu laa lɛlɛɛ tɛ́ɛ́ hwiɛlaɓoɔi hɛngɔw kɛnɛ ɓa ” (Hanwon 22:1).

Mɛni ləkɛɛɠaa ɓə maanɛɛ guɔ teɲa ɓo ɉu gu wɔ yɛnɛɛ hu ?

• Maatɛnɛ 37:21 ; Matie 22:17-21 ; Romə 13:1-7 ; Efɛsə 4:25, 28

  Gwa kɛi lɔwɔtɔɔ, gwa kɛi concours kɛ laakwəlitaa, awala kɛtii gwa kɛi hɛɓɛ ta laahwɛɛ yii ɲɛitɔwɔnua maakpaan gaa ma, (yɛ pələi niihɔnwɔ hɛɓɛ kaa la), maanɛɛ guɔ teɲa ɓo, ə lɛɛ maanɛɛ guɔ teɲa ɓo gu wɔ kólónamu ɓa.

Lə mɛni ɓa vialaɓoɔi gu kɛ a teɲa ɓo nua ə tɛɛ la hɛngɔu hɔlɔɓoɔ ɓa ?

• Maatɛnɛ 15:1, 2 ; Hanwon 11:1 ; Timote dɔlɔɔ 6:9, 10

  Da kɛ a ə́ kɔlɔnŋaa a nui a teɲa ɓo, nua da laa ə́ la, yili lɛlɛɛ kpɔ kɛnɛ. Gwa kɛi teɲa ɓo, gu kwəikili a kɛ a maahəɠɛɛ. Gwa kɛi mɛni kəlee kɛ guɔ teɲa ɓo, Zehova kwəi a nɛɛ.