“ Yá nu kaa ɲɛlɛɛ gɛ koló hu, hwa lɛɛ noo pələi, gaa pai kɛi a tɔɔɓɛlaa di wɔ tímun ” (Hanwon 22:29).

Lə ɓə pai kpɔnmaa tɛɛi gu pɔ gu kwəinɛɛ hɔlɔɓo gu kɛ kóló hu ?

• Hanwon 12:24 ; Kolɔsə 3:22-24 ; Hebreu 13:18

  Gu ho kiɛ pai gu kɛ kóló maahwalən ɉii, kəlaa gwa pɛli gu kiliŋahiɛ pələ maahwalən ɉii yɛ hwilɛn na gu kɛ kóló ɓa. Gu kaa bɔ gu kɛ a gu təlimoɔ, ə lɛɛ gu walaa kóló kɛi.

• Hanwon 27:11 ; Timote dɔlɔɔ 5:8 ; Piɛrə dɔlɔɔ 2:12

  Ya kɛi ə́ yəi bɛlɛn nua maamɛni kɛ, akɛtii ə́ kaa lɛɛi Yálá woo mu. Ə lɛɛ ə́ wɔ kóló kɛ pələ a kɛ a nɛlɛɛ ə́ yəi góló kɛinaa, yili a Zehova maawiɛ.

• Lɛɛ gbɔwɔ ɓa 20:13-15 ; Hanwon 2:6 ; Romə 14:19-22 ; Efɛsə 5:28–6:4 ; Ɉaan dɔlɔɔ 5:3 ; Kulɔ ponoŋa hɛɓɛ 18:4

  Biblə a kpɔnmaa tɛɛ gu pɔ gu ɲaakaa guɔ ma gólóɠaai gwa ɉəɠə ɉu, a pɛli ə pɔɔ lɛlɛɛ awala kɛtii pɔɔ ɲɔnwɔɔ lɛɛ guɔ, gu yəi bɛlɛn nua, gu nan nonnii, ə lɛɛ yii kpɔ nwɔnɔ maamɛni wala-walaa, a pɛli ə pɔɔ lɛɛ gwa Zehova ni gu wɔ nɛɛlaa ɓa.

‘ Mɛniɠaa kulɔ ɉu kɛ, yii nɛlɛɛ, ə́ gɛ ’ (Filipə 1:10).

Lə mɛniɠaa ɓə maanɛɛ gu naa gu wɔ mɛni kəlee tɔwɔ ?

• Maatɛnɛ 37:25 ; Hanwon 3:5, 6 ; Piɛrə dɔlɔɔ 5:7

  Laana yɛ́ ma yii kpɔ ə́ maakpaan gaa ma holo kəlee, Zehova ə gəlee kɔlɔn.

• Matie 6:25-32 ; Timote dɔlɔɔ 6:8-10 ; Hebreu 13:5

  Yii gaa ə́ yəi, əi kwəinɛɛ. Ə́ maakwɛli yili kɛɛ ɓa.

• Hanwon 10:22 ; Matie 6:33 ; 28:19, 20 ; Hebreu 10:24, 25

  Lɛɛ lɔ ma yɛ́ Zehova ɓatoo, ə lɛɛ yɛ́ Yálá Lawoo laahəli. Góló yili ɓə maamɛni wala-walaa.