“ Nu kwəikili ɲɔnwɔɔi hɛn gəlee ɓa, gbəlaanŋaa, gbɛɛ ɓə a pɛli gɔlɔn ɉii ? ” (Ɉeremi 17:9).

Lə ɓə Zehova ə dɛɛ gu pɔ, yii a kpɔnmaa tɛɛ gu pɔ gu gu kwəikili hutɔɔ ?

• Romə 9:1 ; Korɛntə dɔlɔɔ 4:4

  Nɛŋɛn gaa gu kwəikili ɓa, ə lɛɛ a pɛli ə lan. Nii maahəɠɛɛ ɓə maanɛɛ ə dənəndɔɔ, gu kpɔɔ kiliŋahiɛɠaa hwəi.

• Hebreu 5:14 ; Piɛrə dɔlɔɔ 3:16

  Biblə a gu maakwɛli yii yaan gu gɔlɔn pələi Zehova ŋɔ kiliŋahiɛ kaa la. Yili a kpɔnmaa tɛɛ gu pɔ gu gɔlɔn yii nɛlɛɛ da yii ɲɔnwɔɔ. Ə lɛɛ yili a kpɔnmaa tɛɛ gu pɔ gu gu kwəikili hutɔɔ.

“ Nuta ho kɛ gaa gbɔwɔ tɔnɔ kwɛlii, kəlɛɛ, ə məlaa di wɛi kwɛli ” (Korɛntə dɔlɔɔ 10:23, 24).

Gwa pɛli gu ɓəlaa kwəikili maawiɛi ləi ?

• Romə 15:1,3

  Gu kwəikili hwa túwɔ́ yɛ nu takpɛliɠaa di wɛi. Ə́ kwəikili a pɛli hwaai ma ə́ mɛni ta kɛ yii nu takpɛliɠaa di ho pai hwaai ma di ho gɛ.

• Korɛntə dɔlɔɔ 10:31-33

  Apɔtɛlɛ Pɔli ə kɛi nan nonnii di wɔ tɔnɔ tɛɛ nwɛi tɔwɔ. Yii kɛi nan nonnii kwəinɛɛ ya ɓə ə kɛi vialaɓo yɛ dɛɛ gbɔɔ liiɓa mɛniɠaa diɛ.

• Romə 14:10, 19

  Zehova ə gu kwəikili tɛɛ gu pɔ ə gɛ gu gu kpɔɔ kiti tee, nu takpɛliɠaa kiti tee mɛni hwəi. Maanɛɛ gu gɛ kpɔ a nɛlɛɛ ə gɛ gu ho nɛ guɔ ma, guɔ ɓə teɲa kaa gu pɔ, gu ɓəlaa daa lan.

“ Yálá kɛnɛi dɛɛ gu lii ɓa, ə lɛɛ a mɛni kəlee hukpɛ ” (Ɉaan dɔlɔɔ 3:19, 20).

Akɛ gu kaa lɔ ma guɔ gu kpɔɔ kiti tee a ɲɔnwɔɔ maahɔlɔɓo gwaa ta mɛniɲɔn da kɛ, lə mɛni ɓa maahonɛɛli gu ho gu hwiikpɛɛ ?

• Maatɛnɛ 86:5 ; Korɛntə dɔlɔɔ 6:11

  Gwa kɛ lɔ ma guɔ gu kpɔɔ kiti tee a ɲɔnwɔɔ, yili a hee gu hu, ə lɛɛ a gɛ guɔ gu kiliŋahiɛ guɔ kɛ ma gu ho ɓaa hɛnda kɛ hɛn, ə ma kɛ gwaa gu pulu tɔɔ gu kɛnɛŋɛnŋaa diɛ ɉu aa kwea. Maanɛɛ gu kɛ a gɔlɔnŋaa guɔ ma yii aa tɛɛ gu hwa pɛli maahwalən ɉii. Zehova aa gu maahwaalɛɛ, ə lɛɛ aa gu wɔ nɛŋɛnŋaa waa. Gu maahəɠɛɛi ɲɛi mu.

• Galatə 6:2; Piɛrə dɔlɔɔ 2:16

  “ Kristə ŋɔ tɔn ” kɔwɔ hwilɛnŋaa Biblə ŋɔ tɔn-nwooɠaa mɛi. Ə ma kɛ Biblə ho tɔn dɔɔ li mɛni ta ɓa a maaponoɔ, kilistalon ho pai mɛniɲɔn gɛi yɛ kɛ ma yili ho pɛɛn li Biblə hu.