“ Yili maamɛni ɓə gɛi, ŋá kɛ pui la nwúngbəla Nán Yálá ɲɛi ɓa, yai huwu kəlee a həɠə bɔ pələ ” awala kɛtii pɛlɛn ɲii (Efɛsə 3:14, 15).

Zehova kaa bɔ gu pɛlɛn ɲii maawiɛ. Lə mɛni ɓa ?

• Hanwon 10:1

  Ɓɛlowai Zehova ə pɛlɛn ɲii hee la gbanŋa, ə kɛ bɔ naa ə kɛ a kɛɛnaa yii leapɛlɛɛ da pɛli kɛnɛi laa, ɓɛi wɛlikɛmaa a kɛ laa nu kəlee lowai.

• Hanwon 1:8 ; Korɛntə dɔlɔɔ 11:3 ; Efɛsə 6:1-3 ; Piɛrə dɔlɔɔ 3:1

  Nu kəlee a kɛi ŋɔ maatii kɛ, bɛlɛn nua kəlee da tɔnɔ hɔlɔɓo ɉu.

“ Kristə kaa [...] a Yálá ŋɔ nu kpului nwun ” (Efɛsə 5:23).

Lə mɛni ɓa maanɛɛ gu lɛɛ galangbɔn ɲɛitɔwɔnua woo mu ?

• Matie 24:45-47

  Zesu ə ‘ kólókɛmun yii dəlimoɔ kili yɛ bo ma ’ awala kɛtii luwɔ təlimoɔ kiliŋalaa həɠə ɉu yii yaan ə Yálá ŋɔ nu kpului tənəndɔɔ lɔi mɛi.

• Tesalonikə dɔlɔɔ 5:12 ; Hebreu 13:17

  Kalaɉonŋaa da tiɓokɛnua da kpɔnmaa tɛɛ galangbɔn ɉu nua pɔ, di wɔ laanalaa ə lɛɛ a ɉu wala-walaa. Gwa kɛi lɛɛ di woo mu, akɛtii gu kaa nɛi guɔ ma gwa Zehova ŋɔ ŋaawooɓolaa maawiɛ.

• Piɛrə dɔlɔɔ 5:2

  Gwa gu yee hee galangbɔn mu, nu kəlee a tɔnɔ hɔlɔɓo ɉu. Galangbɔn ɓə Zehova ə ɉee gbanŋa yii yaan guɔ pɛli matooi.

“ Nu kəlee maanɛɛ di nwun namənaa woo hon, maahɔlɔɓo, nwun namu ta ho hee li Yálá tɛɠii ” (Romə 13:1).

Gwa pɛli lɛɛ ləi yɛnɛɛ tɔɔɓəlaa woo mu ?

• Matie 5:16 ; Piɛrə dɔlɔɔ 3:15

  Gwa lɔi ŋaawooɓonua maawiɛ gu hwaawoo hu, da gu kɛmɛniɠaa hu. Yili a Zehova maawiɛ.

• Gɛlaɠaa 26:2, 25 ; Romə 12:17, 18

  Kilistalea da kɛ lɔi ta hu, da naa tɔnŋaa maawiɛ. Ə ma kɛ daa mɔnɔ laa diɛ, da nua maawiɛ lɔ.

• Romə 13:1-4

  Biblə ŋɔ tɔn-nwooɠaa da pɛli kpɔnmaa tɛɛ ə́ pɔ ə́ ŋaawooɓokɛnua maawiɛ.

• Matie 22:37-39 ; 26:52 ; Ɉaan 18:36 ; Gɛlaɠaa 5:27-29 ; Hebreu 10:24, 25

  Lɔi ŋaawooɓonua da kɛ yɛ́ ə́ mɛni ta kɛ yii Zehova aa tɔn dɔɔ ma, maanɛɛ ə́ ɉəɠə ɉu nui ə́ kaa pai lɛɛi nwoo mu.