“ Ká tɔɔ a ká nwanai, ka kɛ a gu Námu [Zehova] liiɓa kɔlɔnŋaa ” (Efɛsə 5:17).

Biblə ŋɔ tɔn-nwoo ləkɛɛɠaa ɓə da pɛli kpɔnmaa tɛɛ gu pɔ, guɔ gu pə́lə́ kɛ pələ lɛlɛɛɠaa həɠə ɉu ?

• Maatɛnɛ 16:8 ; Hanwon 6:16-19 ; Galatə 5:19-21

  Yii nwɛlikpɛɛ Zehova ɓa maanɛɛ gu nwɛlikpɛɛ guɔ, yɛ pələi wealaa kaa la, halimɛni, wɛlimɛni maanɛŋɛn.

• Maatɛnɛ 19:14 ; Filipə 4:8

  Gwa gu nii hu laahwɛɛ a mɛni lɛlɛɛɠaa ə lɛɛ guɔ gu kiliŋahiɛ mɛniɠaa tii ɓa, yili wɛli kaa Zehova ɓa.

• Matie 6:33 ; Efɛsə 5:15, 16

  Lowai yii gwa ɉəɠə ɉu guɔ pə́lə́ kɛ, gu ho tɛɛ ɉu. Ə lɛɛ Zehova ɓatoo mɛni gu yəi maanɛɛ ə kɛ a yii kpɔ maamɛni wala-walaa gu wɔ yɛnɛɛ hu.

“ Nuta ho kɛ gaa gbɔwɔ tɔnɔ kwɛlii, kɛlaa, ə mɛlaa di wɛi kwɛli ” (Korɛntə dɔlɔɔ 10:24).

Lə mɛni ɓa gwa kɛi gu pə́lə́ kɛ pələɠaa həɠə ɉu, maanɛɛ gu gu kili lɛɛ gu ɓəlaa hu ?

• Kilimaamun 7:16 ; Romə 2:21

  Kilistalea da kɛi di pə́lə́ kɛ pələɠaa həɠə ɉu, di kəlee di liiɓa a pɛli kɛi a dee-tee. Hɛnigɛ gu gu ɓəlaa maakulɔ, awala kɛtii di pə́lə́ kɛ pələɠaa, maanɛɛ gu gu pə́lə́ kɛ pələɠaa həɠə ɉu a nɛlɛɛ.

• Galatə 6:5 ; Filipə 4:5

  Gu kwəikili a pɛli ə gɛ gu mɛni ta həɠə ɉu guɔ gɛ, yii nu takpɛli kwəikili hwa hwaa ma ho gɛ.

• Korɛntə dɔlɔɔ 10:32 ; Filipə 1:10

  Gu ho bɔ gu ho gu nan nonnii too di wɔ Yálá mɛni hu. Yili ɓa gu gu pə́lə́ kɛ pələ həɠə ɉu a nɛlɛɛ.