6. Gwa pɛli gu pə́lə́ kɛ pələɠaa həɠəi ləi ɉu
1 PƏLƏI GWA GU PƏ́LƏ́ KƐ PƏLƏƓAA HƏƓƏ LA ɈU, YILI A NƐ PƏLƏI ZEHOVA WƐLI KAA LAA GUƆ
“ Ka gəlee kɛ Yálá maawiɛ mɛni ɓa ” (Korɛntə dɔlɔɔ 10:31).
Lə mɛni ɓa maanɛɛ gu kɛ gili-gili ɓɛlowai gwa kɛ gu pə́lə́ kɛ pələɠaa həɠəi la ɉu ?
-
Maatɛnɛ 11:5, 7 ; 34:14 ; Romə 12:9 ; Korɛntə dɔlɔɔ 6:9, 10
Wealaa, wɛlimɛni, halimɛni, ya ɓə kələi gɛnɛ pə́lə́ kɛ pələɠaa hu (gwa pɛli di kaai filiməɠaa hu, Internet ɓa, televiziɔn hu, jeux video da wələɠaa hu).
-
Gu pə́lə́ kɛ pələ akɛ a nɛlɛɛ a kpɔnmaa tɛɛ gu pɔ. Kəlaa gu pə́lə́ kɛ pələ akɛ a ɲɔnwɔɔ, gɛ laa a walaa gu lɛɛ Zehova woo mu.
-
Gu pə́lə́ kɛ pələɠaa da pɔɔ lɛɛ guɔ ɲɔnwɔɔ kɔlɔ hu, awala kɛtii nɛlɛɛ kɔlɔ hu.
2 BIBLƏ ŊƆ TƆN-NWOOƓAA DA PƐLI KPƆNMAA TƐƐ GU PƆ GU GU PƏ́LƏ́ KƐ PƏLƏƓAA HƏƓƏ ɈU
“ Ká tɔɔ a ká nwanai, ka kɛ a gu Námu [Zehova] liiɓa kɔlɔnŋaa ” (Efɛsə 5:17).
Biblə ŋɔ tɔn-nwoo ləkɛɛɠaa ɓə da pɛli kpɔnmaa tɛɛ gu pɔ, guɔ gu pə́lə́ kɛ pələ lɛlɛɛɠaa həɠə ɉu ?
-
Maatɛnɛ 16:8 ; Hanwon 6:16-19 ; Galatə 5:19-21
Yii nwɛlikpɛɛ Zehova ɓa maanɛɛ gu nwɛlikpɛɛ guɔ, yɛ pələi wealaa kaa la, halimɛni, wɛlimɛni maanɛŋɛn.
-
Gwa gu nii hu laahwɛɛ a mɛni lɛlɛɛɠaa ə lɛɛ guɔ gu kiliŋahiɛ mɛniɠaa tii ɓa, yili wɛli kaa Zehova ɓa.
-
Lowai yii gwa ɉəɠə ɉu guɔ pə́lə́ kɛ, gu ho tɛɛ ɉu. Ə lɛɛ Zehova ɓatoo mɛni gu yəi maanɛɛ ə kɛ a yii kpɔ maamɛni wala-walaa gu wɔ yɛnɛɛ hu.
3 GU PƏ́LƏ́ KƐ PƏLƏƓAA GWA ɈƏƓƏ ɈU DA PƆƆ LƐƐ GU ƁƏLAA DIƐ, ƝƆNWƆƆ KƆLƆ HU, AWALA KƐTII NƐLƐƐ KƆLƆ HU
“ Nuta ho kɛ gaa gbɔwɔ tɔnɔ kwɛlii, kɛlaa, ə mɛlaa di wɛi kwɛli ” (Korɛntə dɔlɔɔ 10:24).
Lə mɛni ɓa gwa kɛi gu pə́lə́ kɛ pələɠaa həɠə ɉu, maanɛɛ gu gu kili lɛɛ gu ɓəlaa hu ?
-
Kilistalea da kɛi di pə́lə́ kɛ pələɠaa həɠə ɉu, di kəlee di liiɓa a pɛli kɛi a dee-tee. Hɛnigɛ gu gu ɓəlaa maakulɔ, awala kɛtii di pə́lə́ kɛ pələɠaa, maanɛɛ gu gu pə́lə́ kɛ pələɠaa həɠə ɉu a nɛlɛɛ.
-
Gu kwəikili a pɛli ə gɛ gu mɛni ta həɠə ɉu guɔ gɛ, yii nu takpɛli kwəikili hwa hwaa ma ho gɛ.
-
Korɛntə dɔlɔɔ 10:32 ; Filipə 1:10
Gu ho bɔ gu ho gu nan nonnii too di wɔ Yálá mɛni hu. Yili ɓa gu gu pə́lə́ kɛ pələ həɠə ɉu a nɛlɛɛ.