“ Nɔɔn-nɔɔn ɉɛnŋaa di wɔ yɛnɛɛ kaa di ŋama hu ” (Ɉáláá hɛɓɛ 17:11).

Ŋama maamɛni kaa ləi Zehova yəi ?

• Ɉáláá hɛɓɛ 17:10 ; Hanwon 13:16 ; Gɛlaɠaa 15:20 ; Romə 12:2

  Gwa pɛli gu kɛ mɛni wala-wala ta hu, yii a gu kwəi pili vilɛnŋaa gu hali pələ ɓa yii ŋama mɛni kaa ɉu. Da kɛ ma gu gu hali kɛ a kpaalə ta yii ŋama mɛni kaa ɉu, awala kɛtii ŋama hu hɛnŋaa kpea-kpea naan ta, lə ɓə gu kaa pai gɛi ? Nu takpɛli hwəi maanɛɛ ə yili həɠə ɉu gu yəi. Mɛni ta a kɛi pa həlii guɔ, maanɛɛ gu Zehova hwɛli ə gu tənəndɔɔ, ə lɛɛ gu gu wɔ kalan ɉɛɓɛɠaa hupili.

• Gɔwɔtɔɔi 9:4, 5, 9 ; Dɔ́n ɉɛɓɛ 12:16 ; Gɛlaɠaa 15:28, 29

  Biblə a mo yɛ ŋama maamɛni mukulaa hwilɛnŋaai yɛnɛɛ ɓa. Yálá ŋɔ tɔn yii hwilɛn na ŋama ɓa, maa ho ta hwalən ni. Pələi toloo ə kɛ la, bələ lɔ ɓə nii gaa la, yɛ ə kɛ a Nuwe ŋɔ lowai, yɛ ə kɛ a Isilayɛli lonnii di wɔ lowai kɛi di mo Mowisə ŋɔ tɔn mu, ə ma kɛ nwɔnɔ kilistalea di wɔ lowai.

“ Bələi lɔ yələkɔlɔn maakweaa la lɔi ɓa, bələ lɔ ɓə ŋɔ́ pələɠaai maakwɛaa la ka yii pələɠaai diɛ, ə lɛɛ, gwə́i kiliɠaa maakweaa lɔ tii ka kwəi kiliɠaa diɛ ” (Esai 55:9).

Kpaalə ləkɛɛɠaa ɓə gwa pɛli nɛi la, guɔ ma yɛnɛɛ maamɛni wala-walaai gu yəi ?

• Lɛɛ gbɔwɔ ɓa 21:22, 23

  Nu kəlee ŋɔ yɛnɛɛ maamɛni wala-walaai Zehova ɲɛi mu. Kookulɔmaa kaa a mɛniɲɔn maahɔlɔɓo, ə ma kɛ lon dala kaa nii nee kwəi, Yálá a gaa yɛ nu leelee.

• Maatɛnɛ 103:8-14 ; Gɛlaɠaa 3:19 ; Efɛsə 1:7

  Nɛɛnu yii aa ta goo kulɔ ma, nii a too pulu yili maamɛni ɓa, Zehova a maahwaalɛɛ.

• Maatɛnɛ 11:5 ; Kilimaamun 11:9, 10

  Gwa wala tɔɔ gu nwun napili pələ nwun na, gwa wala pə́lə́ ta kɛ yii a gu maanwana, ə lɛɛ gwa wala kɛ túwɔ́i a wealaa, akɛtii gwaa nɛ guɔ ma gwa gu wɔ yɛnɛɛ maawiɛ. Gwa gɛ pələ kwɛli ma, gu yiipɛlɛ da gu wɔ hiɛhɛnŋaa di lɛɛ lɔ a di kpɛtɛɛ a nɛlɛɛ.

“ Ŋá nɛɛnui tii kaa, maahəɠə nua da Zesu ŋɔ kɛlaɠaa di ɲama aa ɉon yɛ lɔɔ ” (Kulɔ ponoŋa hɛɓɛ 17:6).

Lə mɛni ɓa nu paa wulu kaa Sətana ŋɔ yɛnɛɛ nwuɔ ?

• Kulɔ ponoŋa hɛɓɛ 18:2, 4, 9, 24

  Daa nu miliɔn damaa paa kalan mɛni ɓa, politikə mɛni ɓa da hɛn nwɛli laa maamɛni ɓa.

• Matie 24:14 ; Ɉaan 17:16 ; Gɛlaɠaa 20:26, 27

  Kilistalea da di laa kulɔ yɛnɛɛ mɛniɠaa hu. Di hwa di yee hee kpɔn da mu yii ɉu nua da nu paa, awala kɛtii diɛ nua hwaŋalɔ kɔ mɛni ɓa. Gwa Yálá Lawoo laahəli nua diɛ, guɔ kpɔnmaa tɛɛ la di pɔ ə gɛ di yɛnɛɛ yii kpɛɛ ho ma hɔlɔɓo.