‘ Ka lɛɛ a ka maahəɠɛɛ, kaai Yala maawiɛ hɛnɲaŋaɠaa kaa ka yəi ’ (Esai 52:11).

Lə ɓə maanɛɛ gu gɛ, ə gɛ gu wɔ Yálá ɓatoo pələ maa ə lɛɛ a ɉəɠɛɛ ?

• Korɛntə dɔlɔɔ 10:21 ; Ɉakə 1:27

  Gu yii pələ yii vilɛnŋaa lɛɛkalanŋaa diɛ, da mɛniɠaai vilɛnŋaa lɛɛkalanŋaa diɛ, gwa gu pulu tɔɔ ma.

• Ɉáláá hɛɓɛ 11:44 ; Malasi 3:6

  Zehova a matoonua maakpɛ a tɔnŋaai da tɔn-nwooɠaai a dɛɛ di pɔ.

“ Ka gu gu kpɔwɔ kpinii maahəɠə, hɛn a gu kɔlɔ da gu nii kɔhɔɓo gəlee yəi ” (Korɛntə veelɛ 7:1).

Tuwɔpələɲɔn ləkɛɛɠaa ɓə Zehova kaa bɔ gu gu pulu tɔɔ ma ?

• Matie 22:39 ; Gɛlaɠaa 17:25 ; Titə 3:1

  Yiiɠaa kpɔ da pɔɔ ɲɔnwɔɔ lɛɛ gu wɔ kɔlɔipono ɓa, diɛ gu wɔ yɛnɛɛ hukpuɔ, maanɛɛ gu gu pulu tɔɔ diɛ. Gwa gɔɔmaa həɠə, gu hwa sikɛɛti tɛ, gu hwa lɔɔ kɛnɛ kpələ, ə lɛɛ gu hwa zalan gbala tɛ. Gwa duwɔpələɲɔnŋaa tii lɛɛ laa maahɔlɔɓo gwa gu wɔ yɛnɛɛ maawiɛ, da nu takpɛliɠaa di wɛi, ə lɛɛ guɔ gu wɔ lɔi ŋɔ tɔnŋaa maawiɛ.

• Romə 7:21-25

  Ə ma kɛ gɛ laa ho nɛɛli gu yəi, gu tuwɔpələɲɔn da kulɔ gu yee pɔ, gu kaa lɔ pai lɛɛ ma guɔ kɔ pɛlɛ ma. Zehova ŋɔ kpɔmaa haalai, gu kaa pai pɛlii duwɔpələɲɔnŋaa tii kulɔi gu yee pɔ.

“ Gáá gɔ́lɔ́ laa nɔnwɔ ɓoi, ŋá ɉon yɛ luwɔ ” (Korɛntə dɔlɔɔ 9:27).

Le ɓə a pɛli kpɔnmaa tɛɛ gu pɔ gu tuwɔpələɲɔn gulɔ gu yee pɔ ?

• Matie 6:13

  Ɉu hwɛli Zehova ɓa ə ŋɔ nii maahəɠɛɛ tɛɛ ə́ pɔ, yii pai kpɔnmaa tɛɛ ə́ pɔ yɛ́ pɛli tuwɔpələɲɔnŋaa kulɔi ə́ yee pɔ.

• Piɛrə dɔlɔɔ 4:3, 4

  Nuai, viliməɠaai, ə lɛɛ nwələɠaai da pɛli kpean ɉii gu tɔwɔ tuwɔpələɲɔnŋaa kulɔ mɛni ɓa gu yee pɔ, gu di maalaa.

• Romə 12:1, 2

  Ə́ kpɔɔ kpɛtɛ yɛ́ pɛli ɉukulɔi nua diɛ lə mɛni ɓa hwá mɛni taɠaa kɛ, yɛ pələi sikɛɛti tɛɛ kaa la.