9. Ka gu pu wɛlimɛni maanɛŋɛn dɔwɔ
1 WƐLIMƐNI MAANƐŊƐN GAA A HƐLƐN
“ Ka pu ka həɠə túwɔ́ pələ ɲɔn dɔwɔ awala kɛtii wɛlimɛni maanɛŋɛn ” (Korɛntə dɔlɔɔ 6:18).
Lə mɛni ɓa mɛni ɲɔnwɔɔ ɓaa nu yɛ wɛlimɛni maanɛŋɛn ɉəɠə ?
-
Lonon mo 25:1-9 ; Korɛntə veelɛ 2:11
Wɛlimɛni aa ɓɔ nua hu Sətana ŋɔ yɛnɛɛ ŋɛi hu. Ə lɛɛ yili a pɛli ə pɔɔ lɛɛ Zehova ŋɔ kólókɛnua diɛ. Wɛlimɛni maanɛŋɛn ɉəɠɛɛ kaa a Sətana ŋɔ hɛlɛn nwala-walaɠaai ta. Maanɛɛ gu kɛ gili-gili ə gɛ gu ho pa too ɉɛlɛn tii hu.
-
Nu a wɛlimɛni maanɛŋɛn ɉəɠə, pələi a ɉu mɔnɔ mii la, ə́ kiliŋahiɛ ma.
-
Nu akɛ lɔ ma yɛ wɛlimɛni maanɛŋɛn ɉəɠə, maanu hwa pɛli lɛɛi galangbɔn ɉu.
2 GWA PƐLI TƆƆI KPAAN WƐLIMƐNI MAANƐŊƐN ŊƆ ŊAAHƐN MƐNI HU
“ Nu kpɔɔ kpinii ŋɔ ɲɛi kulɔbɔ ɓə a ɲaatɛ, nu ŋɔ ɲɛi kulɔbɔ ɓə a doo mɛni ɲɔn ɉu. Ɲɛi kulɔbɔ a koo həɠə a nɛŋɛn ” (Ɉakə 1:14, 15).
Gwa tɛɛ ləi gu tɔɔ kpaan wɛlimɛni ŋɔ ŋaahɛn mɛni hu ?
-
Ɉɔbə 31:1 ; Ɉeremi 17:9 ; Matie 5:27, 28 ; Kolɔsə 3:5
Wɛlimɛni maa kiliŋahiɛ a too ə́ nii hu, gulɔ kpɔ laa ɉaɉa, ə gɛ ho pa maapənə a kiliŋahiɛ ɲɔnwɔɔ. Hó nu kpuwulu maaninin gaa.
-
Gɔwɔtɔɔi 39:7-12 ; Korɛntə veelɛ 4:7 ; Ɉakə 1:5
Yii kpɔ ya pɛli gɛi, gɛ. Mo Zehova ɓa ə́ kpɔnmaa tɛɛ ə́ pɔ.
-
Ya lɛɛ Yálá woo mu, mɛinɛɛɠaa ya ɉɔlɔɓo, ə́ kiliŋahiɛ ma.
-
Hanwon 13:20 ; Korɛntə dɔlɔɔ 15:33
Nuai Zehova wɛli kaa diɛ, diɛ ŋɔ tɔn-nwooɠaa pɔ túwɔ́ɓo, di həɠə ɉu a ə́ ɓəlaa.
3 Ə́ HWII HO KPƐƐ, ZEHOVA KAA PAI KPƆNMAA TƐƐ Ə́ PƆ
“ Nwɔ́ mɛni Namu, yɛ́i ə́ wɔ mɛni lɛlɛɛ, yɛ́ nu maahwaalɛɛ ” (Maatɛnɛ 86:5).
Akɛ gwaa nɛŋɛn gɛnɛ həɠə, Zehova a pɛli kpɔnmaa tɛɛ ləi gu pɔ ?
-
Maatɛnɛ 103:14 ; Hanwon 28:13 ; Romə 7:21-25
Nu a gɛ nɛŋɛnŋaa hu kɔlɔn, Zehova a maahwaalɛɛ.
-
Galaɉonŋaa di kaa ŋaakpɔn ɉu, da pɛli kpɔnmaa tɛɛ gu pɔ nɛɛlaa leelee ə pənə ə lɔ gwa Yálá ni gu lowai.
-
Kiliŋahiɛ lɛlɛɛ kɛ pələ maakwɛli yii nwɛli kaa Zehova ɓa. Ya yili kɛ, ə́ kaa pai pɛlii ə́ kpən dee a nɛlɛɛ.
