Yálá laa maahəɠɛɛ kaa Zehova ŋɔ Kəlaɠaa di wɔ ŋaakpɔn gɛ pɛlɛɠaa kəlee diɛ. Yili ɓa, ŋaakpɔn gɛ pɛlɛɠaa tii maahəɠə mɛni kaa ku yəi a mɛni maawiaa. Yili kaa nwɔnɔ ku yəi a Yálá ɓatoo pələ ta. Nu kəlee a pɛli gólói tii ta kɛi.

Kwa naa maahəɠə ŋaakpɔn gbɛɛ pulu. Ŋaakpɔn gbɛɛ pələ tɛi-tɛi, Kwa lɛɛ laa ku naa kələ. Kwa naa maahəɠə lɔwɔ ɓa tɔnɔn. Kalaɉon dɔnɔ ɓə a kɛ góló ɲɛi tɔwɔ awala kɛtii tiɓo kɛ mun dɔnɔ. Kɛlɛ-kɛlɛ hu, gólóɠaa maanɛɛ ku gɛ, a di laa pɛɛn hɛɓɛ ŋa. Gbəli a kɛ nutaɠaa diɛ naa kələ, daɠaa diɛ naa waa, daɠaa diɛ gbəlinŋaa maa kələ, daɠaa diɛ nwaa-kwəlii maahəɠə, daɠaa diɛ viitɛlɛɠaa da bɛnɛnŋaa di maa kələ, daɠaa diɛ kala kələ, daɠaa diɛ bɛlɛ kwɛlɛ maahəɠə. Kwa holo tɔnɔ həɠə nwɔnɔ ɉu kwəlan ma kwə li ku naa maahəɠə. Kwa ku lonnii kwa kɛi gólóɠaa tii kɛ gee pɔ, akɛ tii ku kaa di maakwɛlii, ə gɛ ɓɛi kwa Yálá ɓatoo laa, di naa maawiɛ. — Kilimaa mun 5:1.

Kwa ɉɛnŋaa maakpɛɛ, ku di kpɛtɛ. Kwəlan ɉəli pələ tɛi-tɛi, kwa ŋaakpɔn gɛ pɛlɛ mu hɛnŋaa kəlee maakpɛɛ ə ma kɛ ɲɛnɛɛ pələ hɛnŋaa. Yili pulu, ɉɛnŋaa yiiɠaa di kalaɠalaa, kwa di kpɛtɛ. Kwa kɛi yili kɛ tii, ku hwa wali gbɛli kwɛlɛ (Kolonikə veelɛnaa 24:13 ; 34:10, TMN). Ŋaakpɔn gɛ pɛlɛ yii maahəɠɛɛ gaa a kɛɛnaa yii maawiaa Yálá ɓatoo mɛni ɓa. Kwa kɛi gólóɠaa tii kɛ, kwa nɛ kuɔ Zehova wɛli kaa kuɔ da ku wɔ ŋaakpɔnŋaa kɛi (Somə 122:1, TMN). Yili a gɛ ku heeyɔwɔɠaa diɛ ku laa lɛlɛɛ ɓo. — Kɔlɛntə veelɛnaa 6:3.

• Lə mɛni ɓa kwa ku wɔ ŋaakpɔn gɛ pɛlɛɠaa maahəɠə ?

• Kwa ku wɔ ŋaakpɔn gɛ pɛlɛɠaa maahəɠə ləi ?