KILISTALEA YII PƏLƏ
Yii ya pɛli gɛi a JW Library
YA KƐI GU WƆ HƐƁƐƓAA KALAN :
-
Ya pɛli Biblə ɓoi la da texte du jour.
-
Ya pɛli ə́ Annuaire ɓo la, da wɛlɛɛ hɛɓɛɠaa, ə lɛɛ guɔ hɛɓɛ dakpɛliɠaa. Ɓɛi ya kpəlan naa ya pɛli ə́ marque page kɛ laa.
-
Ya pɛli miliin naa maaləngɛɠaa mukulaaɠaa mu, ə gɛ, yɛ pɛli ŋaakpɔn tɔwɔ pɛlii.
-
Ya pɛli ə́ vidioɠaa kaa la.
GU WƆ ŊAAKPƆNŊAA ƁA :
-
Vɛlisɛɛ yii bələɓokɛmun a kɛ ma gu mo, ya pɛli ə́ gaa ɉu. JW Library ŋɔ historique a kpɔnmaa tɛɛ ə́ pɔ yɛ́ pɛli pənəi ɓɛi ə́ kɛi naa ɓo.
-
Hɛnigɛ ə́ li a kalan gɛ hɛɓɛ tamaa ŋaakpɔn ma awala kɛtii ə́ wɔ wələ hɛɓɛ, ya pɛli ə́ di lɔ ə́ wɔ telefɔni hu awala kɛtii ə́ wɔ tablette. Ya pɛli ə́ di kulɔ galan gɛi lowai ə lɛɛ ya pɛli ə́ nwələ too ɉu, galan nwələɠaa too lowaiƏ. Kalan nwələ ninɛɠaa kaa JW Library hu yii ho nii kulɔ li gu wɔ wələ hɛɓɛɠaa hu.
YA KƐI YÁLÁ LAWOO LAA HƏLI :
-
JW Library hu hɛn da kulɔ. Nɛ nu ta ɓa, yii Yálá Lawoo wɛli kaa ma. Yili pulu kpɔnmaa tɛɛ maanui tii pɔ yɛ pɛli JW Library da gu wɔ kalan ɉɛɓɛɠaa telesalizə gbɔɔ kpɔɔ telefɔni hu, awala kɛtii ŋɔ tablette.
-
Lɔ recherche kɛɛnaa yɛ́ pɛli vɛlisɛɛɠaa kwɛlii.
-
Vidio kulɔ. Nui tii ə́ kaa Yálá Lawoo hu kulɔi ma, akɛ lon gaa ma, Deviens l’ami de Jehovah ŋɔ vidio tɔnɔ kulɔ ka ɉu kaa. Awala kɛtii vidio ŋɛi da kɛ ma Biblə kalanŋaa nwun maa lə ? nɛ ma, yili kaa kiɛ pai Biblə kalan nwɛli too ma. Ya híínwoo takpɛli ɓo mun gaa, vidio tɔnɔ kulɔ nawoo hu ə ɉu kaa.
-
Biblə yii ɉu woo pɛn híínwoo takpɛli hu, yii yaa hiɛ telesalizə, ŋɔ vilisɛɛ tɔnɔ lɛ nuta ɓa. Lɔ JW Library ŋɔ Biblə hu ə lɛɛ ə́ li vɛlisɛɛ ta ŋɔ nimelo ɓa. vɛlisɛɛ tɔnɔi tii laa kaa pai boi híínwoo takpɛliɠaa hu.
