JW Library kaa a application yii ya pɛli ɉɔlɔɓoi a kpɛli (logiciel), a kpɔnmaa tɛɛ ə́ pɔ ə́ Biblə telesalizə ə lɛɛ kalan ɉɛɓɛɠaa, vidioɠaa, da woo mɛn ɉɛn ə́ wɔ telefɔni hu, awala kɛtii ə́ wɔ tablette hu awala kɛtii ə́ wɔ ɔlidinatɛli hu.

PƏLƏI YA PƐLI ɈƆLƆƁOI LA : Li gwɛli yɛli ɓa, ə́ lɔ play store hu ə́ JW Library telesalizə. JW Library a pɛli ə lɔ telefɔni huwu tamaa hu. Ya li gwɛli yɛli ɓa, lɔ JW Library hu ə lɛɛ yii lɔpee ə́ kaa bɔ ə́ delesalizə ə́ wɔ telefɔni hu, ə́ ɉəɠə ɉu. Ya wala pɛli lɔi gwɛli yɛli hu ə́ pɔɔli, ya pɛli ə́ li Ŋaakpɔn gɛ pɛlɛ mu, awala kɛtii ə́ li ɓɛi da kɛ hɛɓɛɠaa laakɛi laa, awala kɛtii ə́ li cyber café. Ya kpɛɛ a ɉɛɓɛɠaa telesalizəɛ, ə́ maakpaan ho kea internet ɓa di hɔlɔɓo mɛni ɓa. Kəlaa kɛlɛ-kɛlɛ hu, da kɛ hɛnninɛɠaa lɔi JW Library hu, yili ɓa maanɛɛ yɛ́ li gwɛli yɛli ɓa yii yaan yɛ́ pɛli pui ninɛ kɔlɔi.

LƏ MƐNI ƁA MAANƐƐ Ə KƐ Ə́ YƏI ? JW Library kɛ pələ pɛliɛ yii yaan nu yɛ pɛli kalan gɛi ɉu, ə lɛɛ yɛ ɓo ɲəi ŋaakpɔn ma. Nu a pɛli nwɔnɔ lii la Yálá Lawoo laa həlii. Nu a pɛli ə Yálá Lawoo laa həli la yii nu takpɛliɠaa di hwa ŋaakaa.