Qu’enseigne la Bible da Lə ɓə Biblə a galan guɔ ? di kɛ pələ kaa tɔnɔ. Ɉɛɓɛ hweelɛi tii kaa a gu wɔ kalan gɛ hɛɓɛɠaa ta, ə lɛɛ nwɔnɔ mɛni tɔnɔ lɔ ɓə da galan. Kəlaa, Lə ɓə Biblə a galan guɔ ? kaa a hɛɓɛ ta yii ɲaakaa laa nɛɛ. Nuai Qu’enseigne la Bible ɲaakaa laa walaa di yei, diɛ ɓə di gbɛtɛ di laa ɓa. Appendix ho Lə ɓə Biblə a galan guɔ ? hu. Kəlaa kɛɛnaa ta kaa ɉɛɓɛ hu, ɓɛi da nwoo wala-walaɠaa hukulɔ laa. Gɛɛnaa tii laa ɓaa Giliŋahiɛɠaa ɉɛɓɛ hu woo kpəlai. Kɛɛmaalənŋaa di ho ɲaakwɛlɛi ta lɔpee kɔwɔtɔi. Ə lɛɛ encadré ta ho ɲaakwɛlɛiɠaa laakulɔi. Kəlaa Biblə ŋɔ teɲaɠaa di maamɛni hukulaa ɉɛɓɛ ɲaakwɛlɛiɠaa hu, di kaa ɲaakwɛlɛiɠaa laakulɔi. Maanɛɛ guɔ Lə ɓə Biblə a galan guɔ ? tɛɛ nua pɔ a lowai kəlee, yɛ pələi lɔ gwa gɛ la a Qu’enseigne la Bible. Mɛniɠaa di kaa ɉɛɓɛi tii hu, ya pɛli nu kalan ɉii la ləi ?

NƐƐ Ə́ KILI PƆ : Pələi Zehova ŋɔ Kəlaɠaa da Biblə kalan na nua diɛ a kɛɛmaalənŋaa da mukulaaɠaa, Qu’enseigne la Bible hu yili a nu tamaa kwəinɛɛ. Kəlaa nui ya kɛ Biblə kalan ɉii ma, akɛ maanui ho hwɛlɛɛ hɛɓɛ ɓo a neelee, lə ɓə maanɛɛ ə́ gɛ ? Yili akɛtii Lə ɓə Biblə a galan guɔ ? ɓə maanɛɛ ka galan gɛ ɉu. Galan gɛi lowai ɓɛi gaa la pɛɛn ni Nɛɛ ə kili pɔ, naa ɓə maanɛɛ ka galan. Kəlaa vaŋalɔ yaa kpinii ə ŋɔ lowai həɠə ɉu yɛ pɛli ɉɛɓɛ kpəli ɓoi. Minitə 15 yee mu, ya pɛli ə́ Biblə ŋɔ Teɲa tɔnɔn kalan nui ə kaa Biblə kalan ɉii ma. Ɓɛi gaa laa pɛɛn ni Nɛɛ ə́ kili pɔ hwa ɉɛɓɛ hu woo kəlee hukulɔ. Yili ɓa, maanɛɛ ya kɛi li galan gɛi, ə́i kpɔɔ pɛli kpɔ a neelee, ə lɛɛ ə́ kiliŋahiɛ pələi ya pɛli kpɔnmaa tɛɛ nui ə́ kaa lii galan gɛi ma bɔ. Akɛ ɉɛɓɛ hu woo ɓə ka kaa galan ɉii, Nɛɛ ə́ kili pɔ ɓə maanɛɛ ka gaa ka woo laakulɔi lowai, ə gɛ yii ka galan, naa kili yɛ pɛli lɛɛ ŋa.

GILIŊAHIƐƓAA DI KAA ɈƐƁƐ HU WOO KPƏLAI : Pələi lɔ nwoo wala-walaɠaa hee pələ kaa la gee la Giliŋahiɛɠaa di kaa ɉɛɓɛ hu woo kpəlai, pələ kpɔlɔ ɓə di hee pələ kaa la gee la ɉɛɓɛ ɲaakwɛlɛiɠaa hu. Giliŋahiɛɠaa di kaa ɉɛɓɛ hu woo kpəlai, ka pɛli ka lono kɛ mɛi galan gɛi lowai awala kɛtii kaa woo laakɔlɔi lowai.