HƐNGƆU KWƐLI YÁLÁ LAWOO HU | ZƆBƏ 6-10,TMN
Təlimomun Zɔbə ə nwoo laa ŋɔ mɔnɔɠaa maamɛni ɓa
Zɔbə maa ə wɛli, haa ə too ma, ə lɛɛ ɲɔn nwala-wala ə pɛlɛ ma.Ə ma kɛtii, ho həɠə Yálá pulu. Yili ɓə gɛ, Sətana ə gɛ pələ kwɛli ma yii yaan Zɔbə hwii ə kpɛɛ, ə həɠə Yálá pulu. Zɔbə “ məlaa ” haaɓa di pa. Di gbea toloo nii laa ma. Yili pulu, di di laa pilɛ di hee gwɛlɛ holo mɛihweelɛ yee mu. Volo mɛihweelɛi tii yee mu, woo tɔnɔ kpɛli ho kulɔ di la yii a Zɔbə hwaŋalɔ. Yili kulaa ɉu, di kɛ lɔ kea ma diɛ mɛni ɲɔnwɔɔɠaa ɓo a Zɔbə laa da viikpɛɛwooɠaa.
Pələi ma Zɔbə məlaa di mɛni tamaa ɓo la a naa, ho həɠə Yálá pulu
6:3 ; 7:16 ; 9:20-22 ; 10:1, 12,TMN
-
Mɛni wala-walaɠaai laa Zɔbə ɓa, di gɛ yɛ giliŋahiɛ a ɲɔnwɔɔ. Ə lan, maahɔlɔɓo ə kɛ gwəi yɛ ə ma lɛɛ a dəlimoɔ, Yálá maakpaan və yili ɓa.
-
Yii kea Zɔbə hwii ə kpɛɛ, ho giliŋahiɛ akɛ mɛni takpɛliɠaa ɓə gɛ mɔnɔ yɛ həli ma.
-
Pələi ma Zɔbə ə kɛ la mɔnɔ hu, Yálá ŋɔ wɛlikɛmaalaa yii kɛ nii hu, ə maamɛni ɓo məlaa ɓa, diɛi kɛi mɛni ɲɔnwɔɔɠaa ɓo a naa.
