Ə́ MAAKWƐLI YÁLÁ LAWOO LAA HƏLIƐ ƁA
Ka gu gu wɔ yɛlɛkɛ pələ ta pɛlɛma Yálá Lawoo laa həliɛ hu : Pələi da wɛlɛɛ hɛɓɛ tɛɛ la, yɛ́ kpinii ə́ wɛi kɛ
LƏ MƐNI ƁA GAA A MƐNI WALA-WALA : Pələi ma ɉɛɓɛ tɛɛ pələɠaa kaa la galan gɛ hɛɓɛ hu diɛ kpɔnmaa tɛɛ gu pɔ, maanɛɛ ə́i wɛi kɛ yɛ́ kpinii. Ya pɛli dakpɛli kɛi yii ho galan gɛ hɛɓɛ hu, awala kɛtii ə́ mɛni takpɛli kaa nwɛlɛɛ hɛɓɛ hu yii nwɛli a too nua diɛ, ɓɛi ə́ kaa laa. Yili ɓa, ya kpɛɛ a nwɛlɛɛ hɛɓɛ ɓoɔ, ə́ dɛɛ pələɠaa kaa, vidio yii vilɛnŋaa ma ə́ gaa, yɛ́ kpinii ya pɛli ə́i wɛi kɛ a gbaaləɠaa ŋɛi :
GƐ PƏLƏ
Ə́ kpɔɔ maaləngɛ yɛ́ ma : ‘ Ɉɛɓɛ tɛɛ pələɠaa ŋɛi, dɔnɔ ɓə gáá ɉəɠəi ɉu ? ’
EE
-
Nwoo yii ə́ kaa pai moi toloo, ə́ kiliŋahiɛ ma. Ya kpɛɛ a nwoo pili maa, mɛnii ə́ paa la, nwun nɛ. ( Ya pɛli kɛi ma : “ Ŋi pa ɓɛ maahɔlɔɓo... ”).
-
Ya kpɛɛ a gɛɛmaalən, yii ə́ kaa pai moi yɛ́ pa vɛlisɛɛ ɓoi, da yii ə́ kaa pai moi yɛ́ ɉɛɓɛ tɛɛ, ə́ kiliŋahiɛ ma ( Gɔɔmaa : gɛɛ hó vɛlisɛɛ ɓo, ya pɛli kɛi ma : “ Gɛɛmaalən ŋɛi mukulaa leelee kaa vɛlisɛɛ ŋɛi hu ”).
KPAA
-
Mɛni ta həɠə nwɛlɛɛ hɛɓɛ hu, yii nwɛli kaa yɛ́ ə lɛɛ nwɛli yɛ pɛli tooi nua diɛ kaa wɔ kpinin hu.
-
Ə́ kiliŋahiɛ kɛɛmaalən da ɓa, yii a lono muhəɠə, ə lɛɛ ya gɛ nua diɛ, diɛ pɛli di wɔ kiliŋahiɛ lɛi yɛ hwilɛn na ma. Ho kɛ a kɛɛmaalən yii a nu kpaan (Gɔɔmaa : Gɛɛmaalənŋaai di kaa nwɛlɛɛ hɛɓɛɠaa baazə 2 naa ɓa).
-
Vɛlisɛɛ ta həɠə ɉu yii ə́ kaa pai moi (Akɛ Réveillez-vous ! ɓə ə́ yəi, ya pɛli vɛlisɛɛ ta ɓoi, maahɔlɔɓo nuai di ho Biblə maamɛni kpaɠala kɔlɔn kɛnɛ, da nuai kalan mɛni wɛli ho diɛ, diɛ ɓə di Réveillez-vous ! kpɛtɛ di laa ɓa).
-
Woo yɛli tɔnɔ lɛɛ ə́ kili pɔ, awala kɛtii veelɛ, yɛ́ pɛli ɉɛɓɛ ɲaakaa pələ lɛi la nua diɛ.
IN EITHER CASE
-
Kɛɛmaalən ta kɛ yii ə́ kaa pai mukulɔi kiikaa veelɛnaa kɛi lowai.
-
Yii ə́ kaa pai moi, bɛɛn yii yaan naa kili ə lɛɛ ə́ ŋa.
