KILISTALEA YII PƏLƏ
Kpɔnmaa tɛɛ ə́ yəi bɛlɛn nua pɔ ə gɛ di Zehova naa kili too di ŋa
Zehova ə Zelemi tɔɔ ə gɛ ə mo Zuwifuɠaa diɛ, yɛ ma kɛɛ kala mɛni kaa pai həlii diɛ, maahɔlɔɓo di ho lɛɛ li Yálá woo mun (Zel 13:25, TMN). Lə ɓə tɛɛ yan Isilayɛli lonnii di həɠə di wɔ Yálá pələ mɛi ? Pɛlɛ namənaa di ho kɛi hwilɛn Zehova ŋɔ tɔn woo pulu, yai ŋɛi gaa Detelonɔmə 6:5-7, (TMN) hu.
Háákələi, pɛlɛ tɔnɔn mun nua di hwaŋalɔɔ Yálá mɛni hu, diɛ ɓə da pɛlɛ di kee ɓa diɛ pɛli gu wɔ kalan gbɔnŋaa hu wala-walaai. Pɛlɛ namənaɠaa da pɛli di kpɔnmaa tɛɛ di yəi bɛlɛn nua pɔ, ə gɛ di Zehova naa kili too di ŋa. Da pɛli yili kɛi da mɛni kəlee hee gbanŋaa a nɛlɛɛ Yálá ɓatoo mɛni ɓa di yəi bɛlɛn (Som 22:27, TMN). Ka kpɛɛ a Vidio ŋɛi kaa : « Ces paroles devront être sur ton cœur » — Interviews de familles, ka gɛɛmaalənŋaa ŋɛi mukulɔ :
-
Mɛniɠaai a kɛ kpean ɉii nutaɠaa tɔwɔ di wɔ Yálá ɓatoo mɛni hu di yəi bɛlɛn, Pɛlɛn ɲii ɓo nua taɠaa da mɛniɠaa tii hon nəi ?
-
Nua da kɛi Yálá ɓatoo mɛni hee gbanŋa a neelee di yəi bɛlɛn, mɛinɛɛ ləkɛiɠaa ɓə da pɛli ɉɔlɔɓoi ɉu ?
-
Mɛni ləkɛiɠaa ɓə da kɛ kpean ɉii dɔ́wɔ́ ku wɔ Yálá ɓatoo mɛni hu ku yəi bɛlɛn, ə lɛɛ lə ɓə ŋaa gɛ gɛ́ pɛli mɛniɠaa tii hon ɉii ?