Di kɛi brochurə Yálá woo mɛn kpɛtɛɛi, di maanini damaa lɔ ɉu, ə gɛ nuai di hwa pɛli hɛɓɛ ɓoi a nɛlɛɛ diɛ pɛli Biblə ŋɔ teɲaɠaa kalan ɉii diɛ. Ɉɛɓɛ ɲaakwɛlɛiɠaa kəlee pɛɛn a paazə hweelɛ-hweelɛ. Di maaniniɠaa hee gee la ɉɛɓɛ ɲaakwɛlɛiɠaa hu, a pələ ta yii a pɛli nono kɛ laa nɛɛi ka kɛi Biblə kalan.

Maaniniɠaa brochurə Yálá woo mɛn ə́ yiipoo hɔlɔɓo a yələ kəlee da yiiɠaa brochurə Yálá woo mɛn hu, di kaa tanɔn. Kəlaa hɛɓɛ tamaa pɛɛn brochurə Yálá woo mɛn ə́ yiipoo hɔlɔɓo a yələ kəlee hu, ə lɛɛ di gbɛtɛ Biblə kalan nua da pɛli hɛɓɛ ɓoi wolo ɓo di laa ɓa. Encandreɠaa da hɔlɔɓo paazə tamaa ɓa yii a mɛni takpɛliɠaa hu kulɔ, ka pɛli ka lono kɛ mɛi.

Ka pɛli kaa brochurə tɛɛ a lowai lɔpee gəlee, ə ma kɛ ho ɓaa a hɛɓɛ yii maanɛɛ gu ɲaakwɛlɛ ɲaanin guu mu. Ya kɛi Biblə hu kulɔ nuta ɓa, kɛ maaniniɠaa lɛi. Kɛ kɛɛmaalən gɛi ə gɛ nui ə kaa Biblə kalan ɉii ma, yɛ pɛli da ɓoi awala kɛtii, yɛ́ pɛli gaai a kɛ mɛnii tii ka ka moi gaa ɲaakaai. Vɛlisɛɠaa ɉɛɓɛ kɔwɔ la di ɓo ə lɛɛ ka lono kɛ mɛi. Ka brochurə kalan ka naa kulɔ, maanɛɛ ka ɉɛɓɛ Qu’enseigne réellement la Bible ? awala kɛtii ka Que nous enseigne la Bible ? kalan. Yili a gɛ Biblə kalan mun ə tɛ tɔwɔ Yálá mɛni hu ə lɛɛ di batisə.