Di brochurə Gbɛɛ nua ɓə Zehova liiɓa kɛi háákələi ? kpɛtɛ ə gɛ nui ka kaa galan gɛi ma, kaa pɛli da kalan ɉii ma ka wɔ kalan gɔwɔtɔɔ lowai awala kɛtii galan nakulɔi lowai *. Ɲaakwɛlɛi 1 ə too 4 ɓa, a nɛ pələi nuai gwa kɛ Biblə kalan ɉii diɛ, da pɛli di gu kɔlɔn na. Ɲaakwɛlɛi 5 ə too 14 ɓa a gu kɛ kólóɠaa lɛ diɛ. Gólói gu wɔ kpɔn kaa gɛi, ɲaakwɛlɛi 15 ə too 28 ɓa a yili lɛ. Maanɛɛ ka brochurə tii ɓoɔ kɔwɔtɔɔ, ɉɛɓɛ kɔwɔtɔi. Ɲaakwɛlɛiɠaa di ho kpea-kpea li, ə lɛɛ ka Biblə kalan nua ka pɛli lɔ ka miniti lɔɔli awala kɛtii pou kɛ kaa lono kɛ dɔnɔ mɛi.

• Ɲaakwɛlɛi ŋɔ tiitɛlɛ ŋɛi a kɛɛmaalən, nɛ.

• Ka ɉɛɓɛ ɓo a gee.

• Yii ka mo ka lono kɛ mɛi. Gɛɛmaalənŋaa ɉɛɓɛ kɔwɔ la, kɛ di ɓoi ə lɛɛ maaniniɠaai ɉɛɓɛ hu, yɛ́ di maamɛni ɓo. Vɛlisɛɛɠaa di kaa ɉɛɓɛ hu, ya pɛli yɛ́ daɠaa ɓo ə lɛɛ ka lono kɛ mɛi. Diitɛlɛ pɛlɛɛɠaai a hɛɓɛ kɔu ɲɛikulaa, pələi da ɲaakwɛlɛi ŋɔ tiitɛlɛ ŋɛi a kɛɛmaalən mukulɔ la, yili lɛ.

• Gɛɛnaa ŋɛi da kɛ ma “ Yii nwɔnɔ ya pɛli gɛi ”, da a kɛ ɉɛɓɛ hu, ka mo a gee ə lɛɛ ə́ Biblə kalan mu hwaŋalɔ yɛ pɛli niɛwoo tii pɔ túwɔ́ ɓoi.