KILISTALEA YII PƏLƏ
Ya pɛli ə́ ɉukɔɔn kwəlan dɔnɔ yee mu ?
Ŋá lə hukɔɔn ? Ə́ kɛ a pələkulɔmun ! Ə́ kaa pai yili ɉu mɛinɛɛ tamaa hɔlɔɓoi ! (Hŋ 10:22, TMN).
YA KƐ A PƏLƏKULƆMUN . . .
-
ə́ kaa pai ə́ wɔ yɛlɛkɛ pələ ta pɛlɛi ma Yálá Lawoo laa həli mɛni ɓa ə lɛɛ ə́ kwəi a nɛɛ kpɔ kɛnɛ.
-
ə́ kaa pai ka Zehova ka wɔ nɛɛlaa huwala-walai. Ya kɛi Zehova maamɛni ɓo nu takpɛliɠaa diɛ, yili a gɛ ə́ Zehova túwɔ́ pələɠaa lɛɛ ə́ kili pɔ.
-
ə́ kaa pai kwəinɛɛ hɔlɔɓoi Yálá ŋɔ Tɔɔlaa tɛɛ mɛni ə́ wɔ mɛni kəlee tɔwɔ. Ə lɛɛ nwɔnɔ ə́ kwəinɛɛ hɔlɔɓo nu takpɛliɠaa liiɓa tɛɛ mɛni ə́ wɛi tɔwɔ (Mt 6:33 ; Tp 20:35).
-
nɔwɔ yii ka wɔ koɓi logolo mɛi kaa mun kaa pai pai la kaa mɛi kaa, ə́ kaa pai lii pələkulɔnua di wɔ nwundɔɔ ta ɓa. Ə lɛɛ nwɔnɔ ə́ kaa pai lii nwundɔɔ takpɛli ɓa yii da gɛ koɓi logolo hu ŋaakpɔn ŋɔ lɔwɔ kuu mu. Yili pulu, di kaa pai ə́ təlii Pələkulɔnua di wɔ Lakwəli ɓa.
-
ə́ kaa pai pɛlii Biblə kalan ɉii nu tamaa diɛ.
-
ə́ kaa pai ə́ wɔ lowai kɛnɛ həɠəi ka Yálá Lawoo laa həli nua takpɛliɠaa kaa ka kee ni hwaŋalɔ (Rm 1:11, 12).
