HƐNGƆU KAA YÁLÁ LAWOO HU
“ Ɲáá ga, dɔ́ɔ́ ”
Pələi Izai ə kɛi giliŋahiɛ la, maanɛɛ gu hwilɛn ɓɔɔŋaa. Ə ŋɔ laanalaa lɛ ɓɛlowai ə hwaa la ma ə li ɓɛi di dɔ laa, ə ma kɛ ho kɛ a mɛni pɛlɛɛ-pɛlɛɛɠaa kəlee kɔlɔnŋaa (Iz 6:8, TMN). Ka pɛli ka ka maamɛniɠaa hee gbaŋa a nɛlɛɛ ə gɛ kaa pɛli lii ɓɛi Yálá Lawoo laa həliɛ ŋɔ kpaan gaa laa (Som 110:3, TMN). Kəlaa ka kɛi pa yili kɛi maanɛɛ ka ‘ gbəa hee ka ka kiliŋahiɛ ’ akɛ ka pɛli ma (Lu 14:27, 28). Yili ɓa, ka gɛ pələ kwɛli ma ka mɛni ta kɛ Yálá Lawoo laa həli mɛni hu (Mt 8:20 ; Mk 10:28-30). Yɛ pələi gaa la vidio ŋɛi hu Déménager là où il y a besoin de renfort, mɛinɛɛɠaa gwa ɉɔlɔɓo Yálá Lawoo laa həliɛ hu, gɛnɛi dɛɛ mɛni kəlee ɓa.
KA KPƐƐ A VIDIO HU KAA, KA GƐƐMAALƏNŊAA ŊƐI MUKULƆ :
-
Mɛni ləkɛɛɠaa ɓə Williams yəi bɛlɛn nua di gɛ, yii yaan diɛ pɛli lii Yálá Lawoo laa həli mɛni ɓa Equateur ?
-
Mɛni ləkɛɛɠaa ɓə di di kiliŋahiɛ ma kpɔ ə neelee diɛ təɠa pa lii ɓɛi di kɛi lii laa Yálá Lawoo laa həli mɛni ɓa ?
-
Mɛinɛɛ ləkɛɛɠaa ɓə di ɉɔlɔɓo ?
-
Minɛ ɓə gwa pɛli mɛni tamaa kɔlɔn ɉii laa yɛ hwilɛn na ɓɛi maanɛɛ gu li laa Yálá Lawoo laa həli mɛni ɓa ?
KA WƆ YÁLÁ ƁATOO LOWAI KA YƏI BƐLƐN, KA LONO KƐ GƐƐMAALƏNŊAA ŊƐI MƐI :
-
Gwa pɛli gu wɔ Yálá Lawoo laa həli kóló ta pɛlɛi ləi ma gu yəi bɛlɛn ? (km-F 8/11 4-6).
-
Akɛ gu hwa pɛli lii ɓɛi Yálá Lawoo laa həliɛ ŋɔ kpaan gaa laa, lə mɛni ɓə maanɛɛ gu gɛ yii yaan guɔ pɛli kpɔnmaa tɛɛ gu wɔ kalangbɔn ɉu nua pɔ ? (w16.03-F 23-25).
