KILISTALEA YII PƏLƏ
Mɛni kɔlɔnŋaa yii a həɠə Yálá yəi, hwa nu hu yɛɠɛ
Zehova hwa nu hu yɛɠɛ (Tp 10:34, 35). A ɲee hee “ híín lɔpee kəlee hu nua, híín woo lɔpee gəlee ɓo nua, híín lɔi kəlee hu nua ” mu (Kpŋ 7:9). Yili ɓa, maahonɛɛli galangbɔn hu nua diɛ nua hu yɛɠɛ (Zaak 2:1-4). Mɛnikɔlɔnŋaa yii a həɠə Yálá yəi aa gɛ guɔ ɓə kwəinɛɛ hu gu kee lowai ə lɛɛ gwaa gaa pələi yili a gu wɔ yɛnɛɛ maahwalən na (Iz 11:6-9, TMN). Maanɛɛ gu mɛni kəlee kɛ, gu nua hu yɛɠɛ mɛni kulɔ gu nii hu. Gwa kɛi yili kɛ, gwa nɛ guɔ gu kaa Yálá pɔɔkɔɔn ɉii (Ef 5:1, 2).
KA VIDIO ŊƐI HU KAA JOHNY ET GIDEON : AVANT ENNEMIS, AUJOURD’HUI FRÈRES. YILI PULU KA GƐƐMAALƏNŊAA ŊƐI MUKULƆ :
-
Lə mɛni ɓa mɛnikɔlɔŋaa yii a həɠə Yálá yəi vaŋa kɛnɛi dɛɛ mɛniɠaa nukanŋaa da gɛ yii yaan di nua hu yɛɠɛ mɛni kpɛɛ lɔi mɛi ?
-
Lə ɓə a ə́ kwəi pili yɛ́ yɛ hwilɛn na ɲee lɔ gee gaa gu lowai lɔi mɛi naa kəlee ?
-
Zehova maa a tɛnɛn ləi ɓɛlowai gwa gɛ la yii yaan liilaa ə lɛɛ galangbɔn ɉu ?
