KILISTALEA YII PƏLƏ
Ka gu gu wɔ yɛlɛkɛ pələ ta pɛlɛma Yálá Lawoo laa həliɛ hu : Guɔ nua kalan a jɛɓɛi ŋɛi da kɛ ma “ Gardez-vous dans l’amour de Dieu ”
LƏ MƐNI ƁA GAA A MƐNI WALA-WALA : Maanɛɛ nua di Zehova ŋɔ tɔn nwooɠaa maakwɛli ə lɛɛ di bɔ tuwɔ ɓo ə gɛ diɛ pɛli kwɛli hwilɛn ɉii Zehova ɓa yɛ pələi gaa la bɔ (Iz 2:3, 4, TMN). Gu wɔ kalan gɛ hɛɓɛ veelɛnaa ŋɛi da kɛ ma “ Amour de Dieu ” a kpɔnmaa tɛɛ Biblə kalan nua pɔ di gaa pələi da pɛli Biblə ŋɔ liɛwooɠaa pɔ túwɔ́ ɓoi la di wɔ yɛnɛɛ hu (Heb 5:14). Maanɛɛ gu gɛ pələ kwɛli ma, galan gu kaa gɛi diɛ ə di lii hon, yii yaan diɛ pɛli mɛniɠaa maahwalən ɉii di wɔ yɛnɛɛ hu (Rm 6:17).
PƏLƏI GWA PƐLI GƐI LA :
-
Ə́ kpɔɔ pɛli a nɛlɛɛ, yii maakpaan gaa nui ə́ kaa Biblə kalan ɉii ma nɛɛ ə́ kili pɔ. Ə́ kiliŋahiɛ kɛɛmaalənŋaa diɛ yii a kpɔnmaa tɛɛ ə́ pɔ yɛ́ pɛli ŋɔ kiliŋahiɛ kɔlɔn ɉii yɛ hwilɛn na yii ka kaa galan ɉii ma (Hŋ 20:5, TMN ; be-F 259).
-
Ancadreɠaa di kaa ɉɛɓɛ hu, ya pɛli ə́ kpɔnmaa tɛɛ la nui ə́ kaa Biblə kalan ɉii ma bɔ, yɛ pɛli gaai pələi a pɛli Biblə ŋɔ liɛwooɠaa pɔ túwɔ́ ɓoi la.
-
Nui ə́ kaa Biblə kalan ɉii ma, kpɔnmaa tɛɛ bɔ yɛ pɛli mɛni lɛlɛɛ da mɛni ɲɔnwɔɔ kulɔ nowai kɛi, kəlaa yɛ hwəi maanɛɛ ə́ kɛ ma ə mɛni yii kɛ awala kɛtii ho gɛ (Ga 6:5).
-
Gaa akɛ nui ə́ kaa Biblə kalan ɉii ma, maanɛɛ ə́ kpɔnmaa tɛɛ bɔ yɛ pɛli Biblə ŋɔ liɛwoo taɠaa pɔ túwɔ́ ɓoi. Vaŋalɔ ə mɛni taɠaa maahwalən ŋɔ yɛnɛɛ hu. Ə yili kɛ a nwɛlikɛmaalaa gaa ɲəi yɛ hwilɛn na Zehova ɓa (Hŋ 27:11, TMN ; Zn 14:31).
